ସାହୋ : ସାମ୍ନାକୁ ଆସିଲା ଜ୍ୟାକି ଶ୍ରଫ ଏବଂ ଚଙ୍କି ପାଣ୍ଡେଙ୍କ ଲୁକ, ୧୦ ଅଗଷ୍ଟରେ ରିଲିଜ ହେବ ଫିଲ୍ମର ଟ୍ରେଲର
ଚଳିତ ବର୍ଷର ବହୁ ପ୍ରତୀକ୍ଷିତ ଫିଲ୍ମ ‘ସାହୋ’ରୁ ଅଭିନେତା ଜ୍ୟାକି ଶ୍ରଫ ଏବଂ ଚଙ୍କି ପାଣ୍ଡେଙ୍କ ଲୁକ ସାମ୍ନାକୁ ଆସିଛି । ପୋଷ୍ଟରେ ଜ୍ୟାକି ଶ୍ରଫଙ୍କ ଇଣ୍ଟେନ୍ସ ଲୁକ ଦେଖିବାକୁ ମିଳିଛି । ଏହା ସହିତ ଅଭିନେତା ଚଙ୍କି ପାଣ୍ଡେଙ୍କ ଲୁକ ମଧ୍ୟ ମେକର୍ସ ରିଲିଜ କରିଛନ୍ତି । ଫିଲ୍ମରେ ଚଙ୍କି ପାଣ୍ଡେଙ୍କୁ ନେଗେଟିଭ ଭୂମିକାରେ ଦେଖିବାକୁ ମିଳିବ ।
ଏହା ପୂର୍ବରୁ ଫିଲ୍ମରେ ନୀଲ ନିତିନ ମୁକେଶଙ୍କ ଲୁକ ସାମ୍ନାକୁ ସାମ୍ନାକୁ ଆସିଥିଲା । ଏହାକୁ ଦର୍ଶକ ଖୁବ ପସନ୍ଦ ମଧ୍ୟ କରିଛନ୍ତି । ନିକଟରେ ପ୍ରଭାସଙ୍କ ନୂଆ ଲୁକ ସହିତ ଫିଲ୍ମର ଟ୍ରେଲର ରିଲିଜ ବିଷୟରେ ଘୋଷଣା କରାଯାଇଛି । ଫିଲ୍ମର ଟ୍ରେଲର ୧୦ ଅଗଷ୍ଟରେ ରିଲିଜ ହେବାକୁ ଯାଉଛି ।
ପୂର୍ବରୁ ଫିଲ୍ମର ଦୁଇଟି ଗୀତ ଏବଂ ଟିଜର ମେକର୍ସ ରିଲିଜ କରିଛନ୍ତି । ଏହାବକୁ ଦର୍ଶକ ଖୁବ ପ୍ରଶଂସା କରିଛନ୍ତି । ଫିଲ୍ମରେ ପ୍ରଥମ ଥର ପାଇଁ ପ୍ରଭାସଙ୍କ ଅପୋଜିଟରେ ବଲିଉଡ ଅଭିନେତ୍ରୀ ଶ୍ରଦ୍ଧା କପୁର ନଜର ଆସିବେ । ଦୁହିଁଙ୍କ କେମେଷ୍ଟ୍ରୀକୁ ପରଦାରେ ଦେଖିବା ପାଇଁ ଦର୍ଶକ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ଫିଲ୍ମ ୩୦ ଅଗଷ୍ଟରେ ରିଲିଜ ହେବ ।
