‘ଦବଙ୍ଗ ୩’ର ସେଟରୁ ସାମ୍ନାକୁ ଆସିଲା ସଲମାନ ଖାନଙ୍କ ପ୍ରଥମ ଫଟୋ, ଏହି ଅନ୍ଦାଜରେ ନଜର ଆସିଲେ ଚୁଲବୁଲ ପାଣ୍ଡେ
ବଲିଉଡ ଅଭିନେତା ସଲମାନ ଖାନଙ୍କ ବହୁ ପ୍ରତିକ୍ଷୀତ ଫିଲ୍ମ ‘ଦବଙ୍ଗ ୩’ର ସୁଟିଂ ଆଜି ଠାରୁ ଆରମ୍ଭ ହୋଇଛି । ଇନ୍ଦୋରର ମହେଶ୍ୱରରେ ଫିଲ୍ମର ସୁଟିଂରେ ପୁରା ଟିମ ଲାଗିପଡିଛନ୍ତି । ଫିଲ୍ମର ସୁଟିଂ ପାଇଁ ସଲମାନ ଖାନ ଏବଂ ଅରବାଜ ଖାନଙ୍କ ସହିତ ପୂରା ଟିମ ରବିବାର ସଂନ୍ଧ୍ୟାରେ ଇନ୍ଦୋର ପହଁଚିଛନ୍ତି । ଏହାର ସୂଚନା ଖୋଦ ସଲମାନ ଖାନ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଭିଡିଓ ସେୟାର କରି ଦେଇଥିଲେ ।
ଏହା ପରେ ଫିଲ୍ମର ସୁଟିଂ ସେଟରୁ ସଲମାନ ଖାନ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସଲମାନ ଖାନଙ୍କ ଦବଙ୍ଗ ଲୁକ ଦେଖିବାକୁ ମିଳିଛି । ଫଟୋରେ ସଲମାନଙ୍କ ବ୍ୟାକ ନଜର ଆସୁଥିବା ବେଳେ ତାଙ୍କ ସାମ୍ନାରେ ପ୍ରଭୂଦେବା ଠିଆ ହୋଇଥିବା ଦେଖିବାକୁ ମିଳିଛି ।
କହିରଖୁଛୁ ଯେ, ଫିଲ୍ମର ସୁଟିଂ ଗତ ବର୍ଷ ଆରମ୍ଭ ଦେବାର ଥିଲା ମାତ୍ର ଫିଲ୍ମ ‘ଭାରତ’ ପାଇଁ ଏହାର ସୁଟିଂ ଡେଟକୁ ଆଗକୁ ବଢାଇ ଦିଆଯାଇଥିଲା । ଦବଙ୍ଗ-୩ର ନିର୍ଦ୍ଦେଶନା ପ୍ରସିଦ୍ଧ କେରିଓଗ୍ରାଫର ପ୍ରଭୂଦେବା କରୁଛନ୍ତି । ଫିଲ୍ମରେ ସଲମାନଙ୍କ ଅପୋଜିଟରେ ସୋନାକ୍ଷୀ ସିହ୍ନା ନଜର ଆସିବେ । ଫିଲ୍ମ ଚଳିତବର୍ଷ ଖ୍ରୀଷ୍ଟମାସରେ ରିଲିଜ ହେବ ।