ଦୁଷ୍କର୍ମ ବଦଳରେ ରୁଟି ଦେଉଛି ବଲିଉଡ , କାଷ୍ଟିଂ କାଉଚକୁ ନେଇ ସରୋଜଙ୍କ ବିବାଦୀୟ ବୟାନ!
ବିବାଦରେ ବଲିଉଡ ପ୍ରଖ୍ୟାତ କୋରିଓଗ୍ରାଫର୍ ସରୋଜ୍ ଖାନ୍ । ନିକଟରେ ସରୋଜ୍ ଖାନ୍ କାଷ୍ଟିଂ କାଉଚ୍କୁ ନେଇ ଦେଇଛନ୍ତି ଏକ ଭିନ୍ନ ମନ୍ତବ୍ୟ । ସରୋଜ୍ କହିଛନ୍ତି କାଷ୍ଟିଂ କାଉଚ୍ କାରଣରୁ ଅନେକଙ୍କୁ ମିଳିଛି ରୋଜି ରୋଟି । ସରୋଜ ଏହା ମଧ୍ୟ କହିଛନ୍ତି ସବୁ ଫିଲ୍ଡରେ ହୋଇଥାଏ ନାରୀଙ୍କ ଉପରେ ଅତ୍ୟାଚାର । କେବଳ ଫିଲ୍ମ ଇଣ୍ଡଷ୍ଟ୍ରୀ ନୁହେଁ ସରକାରୀ କାର୍ଯ୍ୟାଳାୟରେ ବି ନାରୀଙ୍କୁ କରାଯାଏ ଶୋଷଣ ।
Yeh chala aa raha hai Baba azam ke zamaane se. Har ladki ke upar koi na koi haath saaf karne ki koshish karta hai. Govt ke log bhi karte hain. Tum film industry ke peeche kyun pade ho? Woh kam se kam roti toh deti hai. Rape karke chhod toh nahi deti: Saroj Khan on Casting Couch. pic.twitter.com/xvHxSbvhzg
— ANI (@ANI) April 24, 2018
ସରୋଜ ଖାନ ଏକ ସାକ୍ଷାତକାରରେ ଏଭଳି ବୟାନ ଦେଇଛନ୍ତି । ସେ କହିଛନ୍ତି କାଷ୍ଟିଂ କାଉଚ ଏକ ନୁଆ କଥା ନୁହେଁ । ଏହା ବାବା ଆଦମଙ୍କ ଯୁଗରେ ଚାଲି ଆସିଛି ବୋଲି କୋରିଓଗ୍ରାଫର ସରୋଜ ଖାନ କହିଛନ୍ତି । ସମସ୍ତ ଝିଅଙ୍କ ଉପରେ କେହି ନା କେହି କୌଣସି କାରଣରୁ ଖରାପ ଦୃଷ୍ଟି ପକାଇ ଥାଆନ୍ତି ।
ସରକାରୀ କର୍ମଚାରୀ ବିଭାଗରେ ମଧ୍ୟ ଏଭଳି ହେଉଛି ମାତ୍ର ସମସ୍ତେ ଫିଲ୍ମ ଜଗତ ପଛରେ କାହିଁକି ଲାଗି ପଡିଛନ୍ତି ବୋଲି ସରୋଜ ଏକ ବିବାଦୀୟ ବୟାନ ଦେଇଛନ୍ତି ।
ସେ ଏହା ମଧ୍ୟ କହିଛନ୍ତି ଯେ ସବୁ ଝିଅଙ୍କ ଉପରେ ନିର୍ଭର କରେ । ଯଦି ଜଣକ ମଧ୍ୟରେ କଳା ଭରପୂର ରହିଛି ସେ ନିଜକୁ ବିକିବାକୁ କାହିଁକି ଯିବ? ଫିଲ୍ମ ଜଗତ ବିଷୟରେ କିଛି କହିବା ପାଇଁ ସରୋଜ ମନା କରିଛନ୍ତି ଏବଂ କହିଛନ୍ତି ଏହି ଜଗତ ଆମର ମା-ବାପା ଅଟେ । ଏଥିରୁ ସ୍ପଷ୍ଟ ଜଣାପଡୁଛି ଯେ କାଷ୍ଟିଂ କାଉଚ ଭଳି ବିବାଦ ପଛରେ କେବଳ ଗୋଟେ ଝିଅର ହାତ ଥାଏ । ଏହା ଗୋଟିଏ ଝିଅ ଉପରେ ନିର୍ଭର କରେ । ଗୋଟେ ଝିଅର ବିନା ଅନୁମତିରେ ଏଭଳି ହୁଏ ନାହିଁ ।
