ଚିଠି ଲେଖି କ୍ଷମା ମାଗିଲେ ମିକା, କହିଲେ ବ୍ୟାନ ଲଗାନ୍ତୁ ନାହିଁ, ମୋ କଥା………

ବଲିଉଡ ଗାୟକ ମିକା ସିଂ ପାକିସ୍ତାନରେ ଏକ ବିବାହ ସମୟରେ ପର୍ଫମାନ୍ସ ଦେବା ପରେ ସମାଲୋଚକଙ୍କ ସାମ୍ନା କରିବାକୁ ବାଧ୍ୟ ହୋଇଛନ୍ତି । ତାଙ୍କୁ ନେଇ ସୋସିଆଲ ମିଡିଆରେ ଯଥେଷ୍ଟ ଚର୍ଚ୍ଚା ଚାଲିଛି । ମିକା ସିଂଙ୍କ ଉପରେ ଅଲ ଇଣ୍ଡିଆ ସିନେ ୱର୍କର୍ସ ଏସୋସିଏସନ ଏବଂ ଏଫଡବ୍ଲ୍ୟୁଆଇସିଇ ମିକା ସିଂଙ୍କ ଉପରେ ବ୍ୟାନ ଲଗାଇଥିଲେ । ଏବେ ଏହି ଘଟଣାକୁ ନେଇ କ୍ଷମା ମାଗିଛନ୍ତି ମିକା ସିଂ । ଏଥିପାଇଁ ମିକା ଏକ ଚିଠି ଲେଖିଛନ୍ତି ।

ମିକା ସିଂ ଚିଠିରେ ଲେଖିଛନ୍ତିଯେ, ଘଟଣାରେ କୌଣସି ନିଷ୍ପତ୍ତି ଦେବା ପୂର୍ବରୁ ଥରେ ମୋ କଥା ମଧ୍ୟ ଶୁଣନ୍ତୁ । ସେ ଏକ ଭିଡ଼ିଓ କ୍ଲିପ ମଧ୍ୟ ପଠାଇଛନ୍ତି । ତେବେ ଏହି ବିଷୟରେ ଚର୍ଚ୍ଚା ପାଇଁ ଫିଲ୍ମ ବୋର୍ଡ଼ ମିକାଙ୍କୁ ନିମନ୍ତ୍ରଣ କରିଛନ୍ତି ।

ଖବର ଅନୁସାରେ ଭିଡ଼ିଓରେ ମିକା କହିଛନ୍ତିଯେ ଯଦି ମୁଁ କିଛି ଭୁଲ କରିଛି ତେବେ ରାଷ୍ଟ୍ରକୁ କ୍ଷମା ମାଗିବା ପାଇଁ ମୁଁ ପ୍ରସ୍ତୁତ । କିନ୍ତୁ ଯେପର୍ଯ୍ୟନ୍ତ ଆପଣ ମୋର କୌଣସି କଥା ଶୁଣିନାହାଁନ୍ତି ଦୟାକରି କୌଣସି ପ୍ରତିବନ୍ଧକ ଲଗାନ୍ତୁ ନାହିଁ । ତେବେ ମିକା ଆସନ୍ତାକାଲି ସାକ୍ଷାତ କରିବେ ।