ସୋନାଲୀ ବେନ୍ଦ୍ରେ ସେୟାର କଲେ ନିଜ ନୂଆ ଲୁକ୍ସର ଭିଡିଓ, ପୋଷ୍ଟରେ ପ୍ରିୟଙ୍କାଙ୍କୁ କଲେ ଧନ୍ୟବାଦ ।
ଇମୋସନାଲ ପୋଷ୍ଟ ସେୟାର କରିଛନ୍ତି ବଲିଉଡ ଅଭିନେତ୍ରୀ ସୋନାଲୀ ବେନ୍ଦ୍ରେ । କିଛି ଦିନର ବ୍ୟବଧାନ ପରେ ସେ ଆଉ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓଟିରେ ସୋନୀଲୀଙ୍କ ବିଭିନ୍ନ ହେୟାରଷ୍ଟାଇଲରେ ନଜର ଆସିଛି । ଏହାସହ ସେ ଏକ ଇମୋସନାଲ ମେସେଜ ମଧ୍ୟ ଲେଖିଛନ୍ତି ।
ସେ ଲେଖିଛନ୍ତି, ‘ଭେନିଟି ହେଉଛି ତାଙ୍କର ବହୁ ପସନ୍ଦ । କିଏ ବା ନଚାହେଁ ସୁନ୍ଦର ଦେଖାଯିବାକୁ । ଆମେ ଯେଉଁଭଳି ଦେଖାଯାଉ ତାହାର ସାଇକ୍ଲୋଜିକାଲ ପ୍ରଭାବ ଆମ ଉପରେ ପକାଇଥାଏ । ସବୁଠାରୁ ଗୁରୁତ୍ୱପୂର୍ଣ୍ଣ ହେଉଛି ଆମକୁ କିଏ ଖୁସି ଦେଇଥାଏ । ୱିକ ବା ବ୍ରାଇଟ ରେଡ ଲିପଷ୍ଟିକ୍ ବା ହାଇ ହିଲ୍ସ ଚପଲ । ତମକୁ କେହି ବି କହିପାରିବେନି ତମ ପାଇଁ କ’ଣ ଭଲ କ’ଣ ଖରାପ । ସେ ସେତେବେଳେ ୱିକ ପସନ୍ଦ କରୁଥିଲେ ସେତେବେଳେ ସେ ଭାବିଥିଲେ ସେ କ’ଣ ସୁନ୍ଦର ଦେଖାଯିବାକୁ ଚାହାନ୍ତି କି?’ କିଛି ଏଭଳି ଭାବନାତ୍ମକ ପୋଷ୍ଟ ସେୟାର କରିଛନ୍ତି ସୋନାଲୀ ।
ଫିଲ୍ମ ଇଣ୍ଡଷ୍ଟ୍ରୀ ସହିତ ଜଡିତ ହୋଇଥିଲେ ସୁନ୍ଦର ଦେଖାଯିବା ପାଇଁ ଆଶା ରହିଥାଏ । ବୋଧେ ସେଇଥିପାଇଁ ତାଙ୍କୁ ଏଭଳି ଭାବନା ଆସିଥିଲା । ତେବେ ବହୁ ଭାବିବା ପରେ ସେ ନିଜ ପାଇଁ ସୁନ୍ଦର ଦେଖାଯିବାକୁ ଚାହୁଛନ୍ତି । ସେ ଘରୁ ବାହାରକୁ ଗଲା ବେଳେ ସ୍କାର୍ଫ ପିନ୍ଧିକି ବି ଯିବେ କି ନାହିଁ ତାହା ତାଙ୍କ ଉପରେ ନିର୍ଭର ବୋଲି ସୋନାଲୀ ପୋଷ୍ଟରେ ଲେଖିଛନ୍ତି । କିଛି ଦିନରୁ ସୋନାଲୀ କ୍ୟାନସର ରୋଗରେ ପୀଡିତ ଥିବା ବେଳେ ନୁୟର୍କରେ ତାଙ୍କର ଚିକିତ୍ସା ଚାଲିଛି । ବହୁଥର ସୋନାଲୀ ଏହି ରୋଗକୁ ବହୁ ସାହସିକତା ଦୃଢ଼ତାର ସାମନା କରୁଥିବା ନଜର ଆସିଛନ୍ତି ।
ଏହି ପୋଷ୍ଟର ଶେଷରେ ସେ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ଧନ୍ୟବାଦ ଜଣାଇଛନ୍ତି । କାରଣ ପ୍ରିୟଙ୍କା ସୋନାଲୀଙ୍କ ନୂଆ ଲୁକ ପାଇଁ ହେୟାର ଷ୍ଟାଇଲିସଙ୍କ ସହିତ ସାକ୍ଷାତ କରିବାରେ ସାହାଯ୍ୟ କରିଥିଲେ ।