ଫ୍ରେଣ୍ଡସିପ ଡେ’ ଅବସରରେ ଶ୍ରଦ୍ଧା କପୁର ଏବଂ ସୁଶାନ୍ତ ସିଂ ରାଜପୁତଙ୍କ ଫିଲ୍ମ ‘ଛିଛୋରେ’ର ଟ୍ରେଲର ରିଲିଜ ହୋଇସାରିଛି । ଫିଲ୍ମର ଟ୍ରେଲରରେ ବନ୍ଧୁତାର କାହାଣୀ ଦେଖିବାକୁ ମିଳିଛି । ଫିଲ୍ମରେ ଶ୍ରଦ୍ଧା ଏବଂ ସୁଶାନ୍ତଙ୍କ ବ୍ୟତିତ ବରୁଣ ଶର୍ମା ଏବଂ ତାହିର ରାଜ ଭସୀନ ନଜର ଆସିଛନ୍ତି । ଫିଲ୍ମର ଟ୍ରେଲର ଦେଖିଲେ ଲାଗୁଛି ଯେ ଏହା ଦର୍ଶକଙ୍କୁ ଭରପୂର ଏଣ୍ଟରଟେନ କରିବ । ତେବେ ଫିଲ୍ମର କାହଣୀ ‘ଷ୍ଟୁଡେଣ୍ଟ ଅଫ ଦ ଇୟର’ ସହିତ ମିଶୁଛି ।
ଫିଲ୍ମର ଲିଡ ଅଭିନେତ୍ରୀ ଶ୍ରଦ୍ଧା କପୁର ଫିଲ୍ମରେ ଏକଦମ ଭିନ୍ନ ଅବତାରରେ ନଜର ଆସିଛନ୍ତି । ସେହିପରି ସୁଶାନ୍ତ ସିଧା ସାଧା ଯୁବକ ଭାବେ ନଜର ଆସିଛନ୍ତି । ଫିଲ୍ମକୁ ନିତେଶ ତିୱାରୀ ନିର୍ଦ୍ଦେଶନା ଦେଇଛନ୍ତି । ଫିଲ୍ମ ୬ ସେପ୍ଟେମ୍ବରରେ ପରଦାକୁ ଆସିବ ।