ବଲିଉଡ ଅଭିନେତା ସିଦ୍ଧାର୍ଥ ମଲହୋତ୍ରା ଏବଂ ତାରା ସୁତାରିଆଙ୍କ ଆଗାମୀ ଫିଲ୍ମ ‘ମରଜାୱା’କୁ ନେଇ ଏବେ ଖୁବ ଚର୍ଚ୍ଚା । ନିକଟରେ ଫିଲ୍ମର ଟ୍ରେଲର ରିଲିଜ ହୋଇଥିଲା । ଫିଲ୍ମର ଟ୍ରେଲରକୁ ଲୋକଙ୍କ ଭଲ ରେସ୍ପନ୍ସ ମଧ୍ୟ ମିଳିଛି । ଫିଲ୍ମରେ ରିତେଶ ଦେଶମୁଖ ଖଳନାୟକ ଭୂମିକାରେ ନଜର ଆସିଛନ୍ତି । ଟ୍ରେଲରରେ ରିତେଶ ଏବଂ ସିଦ୍ଧାର୍ଥ ଡାଇଲଗ କହୁଥିବାର ଦେଖିବାକୁ ମିଳିଥିବା ବେଳେ ଫିଲ୍ମର ଲିଡ ଅଭିନେତ୍ରୀ ତାରା ସୁତାରିଆ ଇଶାରା ଇଶାରାରେ କଥା କହୁଥିବାର ଦେଖିବାକୁ ମିଳିଛି । ଏହାକୁ ଦେଖି କୁହାଯାଇପାରେ ଯେ ଫିଲ୍ମରେ ତାରା କଥା କହିପାରୁନଥିବା ଝିଅ ଭୂମିକାରେ ନଜର ଆସିବେ ।
View this post on Instagram
#Repost @tarasutaria with @grabapp Mohabbat..Zindagi.. Zoya🖤 #Marjaavaan
ଏବେ ତାରା କନଫର୍ମ କରିଛନ୍ତି ସେ ଫିଲ୍ମର ଟ୍ରେଲରରେ କଣ ପାଇଁ କିଛି କହୁନାହାଁନ୍ତି । ଏକ ଇଣ୍ଟରଭ୍ୟୁରେ ତାର କହିଛନ୍ତି, ‘ବାସ୍ତବରେ ମୋତେ ଫିଲ୍ମ ଆଡକୁ ଆକର୍ଷିତ କରିଥିଲା ଜୋୟାର ଚରିତ୍ର ଯେ କହିପାରେ ନାହିଁ । ସେଥିପାଇଁ ଫିଲ୍ମ ଆରମ୍ଭ ହେବାର କିଛି ମାସ ପୂର୍ବରୁ ହିଁ ମୋତେ ସାଇନ ଲାଙ୍ଗୁଏଜର ଟ୍ରେନିଂ ନେବାକୁ ପଡିଥିଲା । ଏହା ମୋତେ ଖୁବ ସାହାଯ୍ୟ କରିଥିଲା । ’ ଏହା ସହିତ ତାରା କହିଥିଲେ ଏହା କମୁନିକେସନ କରିବାର ଏକ ଭଲ ଉପାୟ । ଯେବେ ମୁଁ ଟ୍ରାଭେଲ କରିବି ଏହାର ଉପଯୋଗ କରିବି ।
କହିରଖୁଛୁ ଯେ, ଏହା ତାର ସୁତାରିଆଙ୍କର ଦ୍ୱିତୀୟ ଫିଲ୍ମ । ସେ ଷ୍ଟୁଡେଣ୍ଟ ଅଫ ଦି ଅୟର ୨ରୁ ବଲିଉଡ କ୍ୟାରିଅର ଆରମ୍ଭ କରିଥିଲେ । ଫିଲ୍ମ ‘ମରଜାୱାଁ’ର ନିର୍ଦ୍ଦେଶନା ଦେଇଛନ୍ତି ମିଲାପ ଜାବେରୀ । ଫିଲ୍ମ ୨୨ ନଭେମ୍ବରରେ ରିଲିଜ ହେବ । ତେବେ ସିଦ୍ଦାର୍ଥ ଏବଂ ତାରାଙ୍କ ଯୋଡିକୁ ଦର୍ଶକ କେତେ ପସନ୍ଦ କରିବେ ତାହା ଦେଖିବାକୁ ବାକି ରହିଲା ।