ବଲିଉଡ ଅଭିନେତ୍ରୀ ପ୍ରିୟଙ୍କା ଚାପ୍ରାଙ୍କ ଭାବି ସ୍ୱାମୀ ନିକ ଜୋନସଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ହଲିଉଡ ପପ ଷ୍ଟାର ନିକ ଜୋନସ ଏହି ଭିଡିଓରେ ପ୍ରିୟଙ୍କାଙ୍କ ସହିତ ଏନଗେଜମେଣ୍ଟ ବିଷୟରେ କହୁଥିବା ଦେଖିବାକୁ ମିଳିଛି । ଏହା ସହିତ ସେ ପ୍ରିୟଙ୍କା ଏବଂ ତାଙ୍କର ସେଲିବ୍ରିଟି ନିକ ନେମର ‘ପ୍ରିକ’ର ଖୁଲାସା ମଧ୍ୟ କରିଛନ୍ତି ।
ଶୁକ୍ରବାର ‘ଦ ଟୁନାଇଟ ଶୋ ଷ୍ଟାରିଙ୍ଗ ଜିମୀ ଫେଲନ’ରେ ଅତିଥି ଭାବେ ନିକ ଜୋନସ ଆସିଥିଲେ । ଏହି ଶୋ’ରେ ନିକ ତାଙ୍କର ଏବଂ ପ୍ରିୟଙ୍କାଙ୍କ ବିଷୟରେ ଅନେକ କଥା ସେୟାର କରିଥିଲେ । ଶୋ’ରେ ପ୍ରିୟଙ୍କା ଦର୍ଶକ ଭାବେ ନଜର ଆସିଥିଲେ ।
.@PriyankaChopra and @nickjonas reveal their celebrity couple nickname. Tune in to #FallonTonight to see more! pic.twitter.com/OwZUY0RgpK
— Fallon Tonight (@FallonTonight) September 8, 2018
ଶୋର ହୋଷ୍ଟ ରୋକାର ଫଟୋ ନିକଙ୍କୁ ଦେଖାଇଥିଲେ ଏବଂ ଏହାର ଅର୍ଥ ପଚାରିଥିଲେ । ଏହାର ଉତ୍ତରରେ ନିକ କହିଥିଲେ ରୋକା ସେରେମୋନି ପରେ ଦୁହିଁଙ୍କ ପରିବାର ସମ୍ପର୍କରେ ମେହର ଲାଗିଥାଏ । ଏବଂ ଏହା ଏନଗେଜମେଣ୍ଟର ପ୍ରୁଫ ବୋଲି ସେ କହିଥିଲେ ।
ଏହା ସହିତ ନିକ କହିଥିଲେ ମୋତେ ଏବଂ ପ୍ରିୟଙ୍କାଙ୍କୁ ପରିବାର ସହିତ ସମୟ ବିତାଇ ଖୁବ ଭଲ ଲାଗିଲା । ଏହା କିଛି ସମୟ ପାଇଁ ଆମର ସମ୍ପର୍କ ବ୍ୟକ୍ତିଗତ ଥିଲା କିନ୍ତୁ ଏହାପରେ ଆମେ ଦୁନିଆକୁ ଏହି ବିଷୟରେ ଜଣାଇଲୁ ।