ପ୍ରଥମଥର ପାଇଁ ୟାମୀ ଗୌତମଙ୍କ ସହିତ ସ୍କ୍ରିନ ସେୟାର କରିବେ ବିକ୍ରାନ୍ତ ମେସୀ, ଦୁଇ ମାସ ପରେ ଆରମ୍ଭ ହେବ ଫିଲ୍ମର ସୁଟିଂ
ବଲିଉଡ ଅଭିନେତ୍ରୀ ୟାମୀ ଗୌତମଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି । ଦର୍ଶକ ୟାମୀଙ୍କ ଆଗାମୀ ଫିଲ୍ମ ‘ବାଲା’କୁ ଅପେକ୍ଷା କରି ରହିଥିବା ବେଳେ ଏବେ ତାଙ୍କ ହାତକୁ ଆଉ ଏକ ଫିଲ୍ମର ଅଫର ଆସିଛି । ଆଜ୍ଞା ହଁ , ୟାମୀ ଗୌତମ ଖୁବ ଶୀଘ୍ର ଫିଲ୍ମ ‘ଗିନ୍ନୀ ୱେଡସ୍ ସନ୍ନୀ’ରେ ନଜର ଆସିବେ ।
ନିକଟରେ ଜଣାଶୁଣା ଟ୍ରେଡ ଆନାଲିଷ୍ଟ ତରଣ ଆଦର୍ଶ ଏହି ଫିଲ୍ମକୁ ନେଇ ଟ୍ୱିଟ କରି ସୂଚନା ଦେଇଛନ୍ତି । ଫିଲ୍ମରେ ୟାମୀ ଗୌତମଙ୍କ ଅପୋଜିଟରେ ଅଭିନେତା ବିକ୍ରାନ୍ତ ମେସୀ ନଜର ଆସିବେ । କହିରଖୁଛୁ ଯେ , ଦୁହେଁ ପ୍ରଥମଥର ପାଇଁ ଏହି ଫଲ୍ମରେ ସ୍କ୍ରିନ ସେୟାର କରିବେ । ଫିଲ୍ମର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ପୁନୀତ ଖନ୍ନା । ପୁନୀତ ଏହି ଫିଲ୍ମ ଜରିଆରେ ନିର୍ଦ୍ଦେଶନା କ୍ଷେତ୍ରରେ ପାଦ ଦେବେ । ଫିଲ୍ମକୁ ପ୍ରଡ୍ୟୁସ କରିବେ ବିନୋଦ ବଚ୍ଚନ । ଶୁଣିବାକୁ ମିଳୁଛି ଯେ ଏହା ଏକ ରୋମାଣ୍ଟିକ କମେଡି ଫିଲ୍ମ ଏବଂ ଏହାର ସୁଟିଂ ଚଳିତ ବର୍ଷ ସେପ୍ଟେମ୍ବର ୧ରୁ ଆରମ୍ଭ ହେବ ।
#Announcement: Yami Gautam and Vikrant Massey in #GinnyWedsSunny… Will be filmed in #Delhi, #Noida, #Ghaziabad and #Manali over 50 days from 1 Sept 2019… Directed by debutant Puneet Khanna… Produced by Vinod Bachchan.
— taran adarsh (@taran_adarsh) July 11, 2019
ଫିଲ୍ମକୁ ନେଇ ୟାମୀ କହିଛନ୍ତି ଯେ, ସେ ଫିଲ୍ମକୁ ନେଇ ଖୁବ ଏକ୍ସାଇଟେଡ ଅଛନ୍ତି । ଏହା ସହିତ ସେ କହିଛନ୍ତି, ଫିଲ୍ମର ସ୍କ୍ରିପ୍ଟ ଖୁବ ଭଲ ହୋଇଛି । ଏହା ଦ୍ୱାରା ମୁଁ ନିଜକୁ ଆହୁରି ଏକ୍ସଫ୍ଲୋର କରିପାରିବି । ପୁନୀତଙ୍କ ସହିତ କାମ କରିବା ପାଇଁ ଉତ୍ସାହିତ । ବିକ୍ରାନ୍ତ ଜଣେ ଟ୍ୟାଲେଣ୍ଟେଡ କଳାକାର ଏବଂ ତାଙ୍କ ସହିତ କାମ କରିବା ମଜାଦାର ରହିବ ।
