ପିଆଜ ଇୟରିଙ୍ଗସ କରୀନାଙ୍କୁ ପସନ୍ଦ ନଆସିବାରୁ ପତ୍ନୀ ଟ୍ୱିଙ୍କଲଙ୍କ ପାଇଁ ନେଇ ଆସିଲେ ଅକ୍ଷୟ କୁମାର

ସାରା ଦେଶରେ ପିଆଜକୁ ନେଇ ଚାଂଚଲ୍ୟ ସୃଷ୍ଟି ହୋଇଥିବା ବେଳେ ଅକ୍ଷୟ କୁମାର କିଛି ଏଭଳି କରିଛନ୍ତି ଯାହା ଫ୍ୟାନ୍ସଙ୍କୁ ଖୁବ ପସନ୍ଦ ଆସିଛି । କାରଣ ଅଧିକାଂଶ ସମୟରେ ଦେଖିବାକୁ ମିଳେ ସେଲିବ୍ରେଟୀମାନେ ସାଧାରଣ ଲୋକଙ୍କ ସମସ୍ୟାକୁ ସୋସିଆଲ ମିଡିଆରେ ଚର୍ଚ୍ଚା କରିଥାନ୍ତି । ସେହିଭଳି ପିଆଜକୁ ନେଇ ମଧ୍ୟ ଅକ୍ଷୟ କୁମାରଙ୍କ ନିଆରା ଅନ୍ଦାଜ ସାମ୍ନାକୁ ଆସିଛି ।

ବାସ୍ତବରେ ଅକ୍ଷୟଙ୍କ ପତ୍ନୀ ଟ୍ୱିଙ୍କଲ ଖନ୍ନା ତାଙ୍କ ଇଂଷ୍ଟାଗ୍ରାମ ଆକାଉଂଟରେ ଏକ ଫଟୋ ଶେୟାର କରିଛନ୍ତି । ଫଟୋରେ ଏକ ପିଆଜ ତିଆରି କାନଫୁଲ ନଜର ଆସିଛି । ଏହି ଫଟୋକୁ ଶେୟାର କରି ଟ୍ୱିଙ୍କଲ ଲେଖିଛନ୍ତିଯେ, ମୋ ପାର୍ଟନର ଏହାକୁ କପିଲ ଶର୍ମା’ଙ୍କ ଶୋ’ରୁ ଫେରିବା ସମୟରେ ଆଣିଛନ୍ତି । ଏହା ସେ କରୀନାଙ୍କ ପାଇଁ ଆଣିଥିଲେ, କିନ୍ତୁ ତାଙ୍କୁ ପସନ୍ଦ ଆସିଲା ନାହିଁ । କିନ୍ତୁ ମୁଁ ଭାବୁଛି ଏହି ଛୋଟ ଜିନିଷଟି ଆପଣ ମାନଙ୍କୁ ପସନ୍ଦ ଆସିବ ।