ଲଣ୍ଡନର ସଡକରେ ଏହି ଅନ୍ଦାଜରେ ନଜର ଆସିଲେ ବରୁଣ ଧୱନ, ‘ଷ୍ଟ୍ରିଟ ଡ୍ୟାନ୍ସର ୩’ର ସୁଟିଂରେ ଅଛନ୍ତି ବ୍ୟସ୍ତ
ବରୁଣ ଧୱନ ଏବଂ ଶ୍ରଦ୍ଧା କପୁରଙ୍କ ଯୋଡି ଖୁବଶୀଘ୍ର ରେମୋ ଡିସୁଜାଙ୍କ ଫିଲ୍ମ ‘ଷ୍ଟ୍ରିଟ ଡ୍ୟାନ୍ସର’ରେ ନଜର ଆସିବେ । ଏବେ ପୁରା ଟିମ ଲଣ୍ଡନରେ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ମଙ୍ଗଳବାର ଶ୍ରଦ୍ଧା କପୁର ସୋସିଆଲ ମିଡିଆରେ ନିଜର ଏକ ଫଟୋ ସେୟାର କରିଥିଲେ । ଫଟୋରେ ସେ ଫିଲ୍ମର ନିର୍ଦ୍ଦେଶକ-କୋରିଓଗ୍ରାଫର ରେମୋ ଡିସୁଜାଙ୍କ ସହିତ ନଜର ଆସିଥିଲେ । ଏହି ଫଟୋକୁ ସେୟାର କରି ଶ୍ରଦ୍ଦା ଘୋଷମା କରିଥିଲେ ଯେ ଫିଲ୍ମର ସୁଟିଂ ଆରମ୍ଭ ହୋଇସାରିଛି । ସୋସିଆଲ ମିଡିଆରେ ଶ୍ରଦ୍ଧାଙ୍କ ଏହି ଫଟୋକୁ ଲୋକେ ଖୁବ ପସନ୍ଦ କରିଥିଲେ । ଏହା ପରେ ଅଭିନେତା ବରୁଣ ଧୱନ ନିଜ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଏହି ଫଟୋରେ ସେ ଲଣ୍ଡନର ସଡକରେ ପୋଜ ଦେଉଥିବାର ନଜର ଆସିଛନ୍ତି ।
ସୋସିଆଲ ମିଡିଆରେ ବରୁଣଙ୍କ ଏହି ଡ୍ୟାନ୍ସିଂ ପୋଜକୁ ଲୋକେ ଖୁବ ପସନ୍ଦ କରିଛନ୍ତି । କିଛି ଘଣ୍ଟା ପୂର୍ବରୁ ସେୟାର କରାଯାଇଥିବା ଏହି ଫଟୋକୁ ୩ ଲକ୍ଷରୁ ଅଧିକ ଭ୍ୟୁ ମିଳିସାରିଛି । ‘ଷ୍ଟ୍ରିଟ ଡ୍ୟାନ୍ସର ୩’ ପୂର୍ବରୁ ବରୁଣ ରୋମୋ ଡିସୁଜାଙ୍କ ଫିଲ୍ମ ଏବିସିଡି-୨ରେ ନଜର ଆସିଥିଲେ । ପୂର୍ବ ଫିଲ୍ମ ପରି ଏହି ଫିଲ୍ମ ମଧ୍ୟ ଡ୍ୟାନ୍ସ ଉପରେ ଆଧାରିତ । ଫିଲ୍ମରେ ବରୁଣ ଜଣେ ପଂଜାବୀ ପୁଅ ଚରିତ୍ରରେ ନଜର ଆସିବେ । ସେହିପରି ଶ୍ରଦ୍ଧାଙ୍କୁ ଜଣେ ପାକିସ୍ତାନୀ ଡ୍ୟାନ୍ସର ଭୂମିକାରେ ଦେଖିବାକୁ ମିଳିବ ।