ଶାହାରୁଖଙ୍କୁ ନେଇ ବିବାଦୀୟ ବନାୟ ଦେଲେ ଅଭିଜିତ ଭଟ୍ଟାଚାର୍ଯ୍ୟ, କହିଲେ ଶାହରୁଖ ଏବେ…

ବିବାଦୀୟ ବୟାନ ଦେଇ ସବୁବେଳେ ଚର୍ଚ୍ଚାକୁ ଆସୁଥିବା ଗୀତିକାର ଅଭିଜିତ ଭଟ୍ଟାଚାର୍ଯ୍ୟ ଏବେ ଶାହାରୁଖ ଖାନଙ୍କୁ ନେଇ ଦେଇଛନ୍ତି ଭିନ୍ନ ଟିପ୍ପଣୀ । ୨୦୧୬ରେ ସେ ମହେଶ ଭଟ୍ଟ ଏବଂ କରନ ଜୋହରଙ୍କୁ ମଧ୍ୟ ସମାଲୋଚନା କରି ଚର୍ଚ୍ଚାରେ ରହିଥିଲେ ।

ଗୋଟିଏ ସମୟରେ ଅଭିଜିତ ଶାହାରୁଖଙ୍କ ସ୍ୱର ପାଲଟିଥିଲେ । ତାଙ୍କର ପ୍ରତିଟି ଫିଲ୍ମରେ ଗାଉଥିଲେ ଅଭିଜିତ । ହେଲେ ଏବେ ଅଭିଜିତ ଶାହାରୁଖଙ୍କ ଠାରୁ ଏକ ପ୍ରକାର ଦୂରେଇ ରହିଛନ୍ତି । ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ, ଶାହାରୁଖ ଖାନ ସେ ପର୍ଯ୍ୟନ୍ତ ସୁପରଷ୍ଟାର ଥିଲେ ଯେପର୍ଯ୍ୟନ୍ତ ମୁଁ ତାଙ୍କ ପାଇଁ ଗୀତ ଗାଉଥିଲି । ମୋର କାମ ଥିଲା ସୁପରଷ୍ଟାର ବନାଇବା । ମୁଁ ଏହା କହିଛି । ଯେପର୍ଯ୍ୟନ୍ତ ମୁଁ ଶାହାରୁଖଙ୍କ ପାଇଁ ଗାଉଥିଲି ସେପର୍ଯ୍ୟନ୍ତ ସେ ରକଷ୍ଟାର ଥିଲେ । ଏବେ ତାଙ୍କ ପାଇଁ ଗାଉନାହିଁ, ସେ ଲୁଙ୍ଗି ଡ୍ୟାନ୍ସ କରିବାକୁ ବାଧ୍ୟ ହେଉଛନ୍ତି ।

ସେ ଏହା ମଧ୍ୟ ଅଭିଯୋଗ ଆଣିଛନ୍ତି ଯେ, ଶାହାରୁଖଙ୍କ ଭିନ୍ନ ଭିନ୍ନ ଫିଲ୍ମରେ କ୍ରେଡିଟ ଲିଷ୍ଟରେ ସ୍ପଟବୟ ପର୍ଯ୍ୟନ୍ତ ସମସ୍ତଙ୍କ ନାମ ରହୁଥିଲା, ହେଲେ ଗୀତିକାରଙ୍କ ନାମ ନଥିଲା । ‘ମେ ହୁଁ ନା’, ‘ଓମ ଶାନ୍ତି ଓମ’ରେ ମଧ୍ୟ ଏହା ହୋଇଥିଲା । ସ୍ୱାଭିମାନ ଦୃଷ୍ଟିରୁ ମୁଁ ତାଙ୍କ ପାଇଁ ଗୀତ ଗାଇବା ଛାଡିଦେଇଛି ।