୧୨ ବର୍ଷ ପରେ ଫେରିବ ସନି ଏବଂ ଅମୀଷାଙ୍କ ଯୋଡ଼ି ।
ସନି ଦେଓଲ ତାଙ୍କର ଅପକମିଂ ଫିଲ୍ମ ୟମଲା ପଗଲା ଦିୱାନା ଥ୍ରି ପୂର୍ବରୁ ଏକ ନୂଆ ପ୍ରୋଜେକ୍ଟ ନେଇ ଆସୁଛନ୍ତି । ଏହି ଫିଲ୍ମରେ ସନି ୧୨ ବର୍ଷ ପରେ ଅମୀଷା ପଟେଲଙ୍କ ସହିତ ନଜର ଆସିବେ । ଦୁଇ ଜଣଙ୍କ ଯୋଡ଼ିକୁ ଦର୍ଶକ ଗଦର ଏକ ପ୍ରେମ କଥାରେ ଖୁବ ପ୍ରଶଂସା କରିଥିଲେ । ସନିଙ୍କ ନୂଆ ଫିଲ୍ମର ନାମ ହେବ ‘ଭଇୟା ଜୀ ସୁପରହିଟ’ । ଏହି ଫିଲ୍ମ ୧୯ ଅକ୍ଟୋବରକୁ ରିଲିଜ ହେବ ।
ଫିଲ୍ମରେ ବଡ଼ ସରପ୍ରାଇଜ ହେଉଛିଯେ ପ୍ରୀତି ଜିନ୍ତା ମଧ୍ୟ ନଜର ଆସିବେ । ତାଙ୍କ ରୋଲ ବିଷୟରେ ଏପର୍ଯ୍ୟନ୍ତ ଜଣା ପଡ଼ିନାହିଁ ତଥାପି ହିରୋ ଫିଲ୍ମର ଏହି ଯୋଡ଼ିଙ୍କୁ ବଡ଼ ପରଦାରେ ଦୀର୍ଘ ସମୟ ବ୍ୟବଧାନରେ ଦେଖିବାକୁ ମିଳିବ । ପ୍ରୀତିଙ୍କ ସହିତ ଫିଲ୍ମରେ ଅରଶଦ ବାର୍ସୀ, ଶ୍ରେୟସ ତଲପଡ଼େ,ସଂଜୟ ମିଶ୍ରା,ମୁକୁଲ ଦେବ ଓ ପଙ୍କଜ ତ୍ରିପାଠୀଙ୍କ ଭଳି କଳାକାର ନଜର ଆସିବେ ।
#PreityZinta is back! ?#BhaiyyajiSuperhit releasing on 14th September 2018.
Starring #SunnyDeol, #PreityZinta, #AmeeshaPatel, #ArshadWarsi, #ShreyasTalpade. pic.twitter.com/Ftf6KTTz98— Best of Preity (@bestofpreity) April 12, 2018
ଏହି ଆକ୍ସନ କମେଡ଼ି ଫିଲ୍ମକୁ ନୀରଜ ପାଠକ ଡାଇରେକ୍ଟ କରୁଛନ୍ତି । ଫିଲ୍ମରେ ସନି ଡବଲ ରୋଲରେ ନଜର ଆସିବେ । ଏହି ଫିଲ୍ମର କାହାଣୀ ଉତ୍ତର ପ୍ରଦେଶ ଏବଂ ବିହାର ଉପରେ ନିର୍ମାଣ କରାଯିବ ।
ବହୁ ଦିନ ଧରି ଏହି ଫିଲ୍ମର ପ୍ରସ୍ତୁତି ଚାଲୁଛି । କେତେକ ସମୟରେ ଡେଟ ସାମ୍ନାକୁ ଆସିଥିଲେ ମଧ୍ୟ ରିଲିଜ କରାଯାଇ ନାହିଁ ।
