ଗୋବିନ୍ଦାଙ୍କ ସୁପରହିଟ ଫିଲ୍ମର ରିମେକରେ ନଜର ଆସିବେ ବରୁଣ, ନାୟିକା ଭାବେ ନଜର ଆସିପାରନ୍ତି ସାରା
ବଲିଉଡରେ ପ୍ରସ୍ତୁତ ହେବାକୁ ଯାଉଛି ଗୋବିନ୍ଦାଙ୍କ ସୁପରହିଟ୍ ସିନେମା କୁଲି ନମ୍ବର ୱାନର ରିମେକ୍। ଏହି ରିମେକ୍ ସିନେମାରେ ମୁଖ୍ୟ ଭୂମିକାରେ ବରୁଣ ଧୱନ ଓ ଆଲିଆ ଭଟ୍ଟ ନଜର ଆସିବେ ବୋଲି ଚର୍ଚ୍ଚା ହେଉଥିଲା । ତେବେ ଏବେ ଶୁଣିବାକୁ ମିଳୁଛି ବରୁଣ ଓ ଆଲିଆ ଏହି ସିନେମାରେ ଏକାଠି ଅଭିନୟ କରିବେ ନାହିଁ ।
କାରଣ ମେକର୍ ଡେବିଡ୍ ଧୱନ୍ ଇଚ୍ଛା ରଖିଛନ୍ତି ନାୟିକା ଭାବେ ଆଲିଆ ଭଟ୍ଟ ନୁହେଁ ବରଂ ସାରା ଅଲ୍ଲି ଖାନଙ୍କୁ କାଷ୍ଟ କରିବା ପାଇଁ । ଡେବିଡ୍ କହିଛନ୍ତି କରିଶ୍ମାଙ୍କ ରୋଲଙ୍କୁ ସାରା ବେଶ୍ ସୁନ୍ଦର ଭାବେ ତୁଲାଇ ପାରିବେ ।
ଅନ୍ୟପଟେ ବରୁଣ କିନ୍ତୁ ଇଚ୍ଛା ରଖିଛନ୍ତି ଆଲିଆ ଭଟ୍ଟଙ୍କୁ ନାୟିକା ଭାବେ ନେବା ପାଇଁ । କାରଣ ସେମାନଙ୍କ ଯୋଡି ପୂର୍ବରୁ ଅନେକ ସୁପରହିଟ୍ ସିନେମା ଭେଟି ଦେଇଛି । ଏବେ ଦେଖିବାକୁ ବାକି ରହିଲା ଏହି ରିମେକ୍ ସିନେମାରେ କିଏ ହେଉଛନ୍ତି ହିରୋଇନ୍ ।