ଟିଭି ରିୟଲିଟି ଶୋ’ ବିଗ ବସ ସିଜିନ ୧୨ର ନୂଆ ପ୍ରୋମୋ ନିକଟରେ ରିଲିଜ କରାଯାଇଛି । ପ୍ରୋମୋରେ ଶୋର ହୋଷ୍ଟ ସଲମାନ ଖାନ ବିତିତ୍ର ଯୋଡି ବିଷୟରେ କହୁଥିବା ଶୁଣିବାକୁ ମିଳିଛି । ବିଗ ବସର ଏହି ନୂଆ ପ୍ରୋମୋରେ ସଲମାନ ସରକାରୀ ବାବୁ ଭୂମିକାରେ ନଜର ଆସିଛନ୍ତି । ଭିଡିଓରେ ସଲମାନ ଚୁଗୁଲି କରୁଥିବା ପିଅନ ଏବଂ କାମଚୋର ମ୍ୟାଡାମଙ୍କ ଯୋଡି ବିଷୟରେ କହୁଥିବାର ଦେଖିବାକୁ ମିଳିଛି ।
Vichitra jodis, this season of #BiggBoss with@beingSalmankhan. Coming soon on@colorstv #BB12 @nadiachauhan@iamappyfizz @oppomobileindia pic.twitter.com/yKqxm8nM1B
— Raj Nayak (@rajcheerfull) August 25, 2018
ଖବର ଅନୁସାରେ ନିକଟରେ ଶୋ’ର ଫର୍ମାଟକୁ ବଦଳାଇ ଦିଆଯାଇଛି । ପ୍ରଥମେ ସେଲିବ୍ରିଟି ଯୋଡି ଆସିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ବଡ ସେଲିବ୍ରିଟି ଯୋଡି ନ ମିଳିବାରୁ ଯୋଡି ଥିମରେ ପରିବର୍ତ୍ତନ କରାଯାଇଛି ।
ରିପୋର୍ଟ ଅନୁସାରେ ବିଗ ବସର ଏହି ସିଜିନରେ ସେଲିବ୍ରିଟି ଯୋଡିଙ୍କୁ ଦେଖିବାକୁ ମିଳିବ ନାହିଁ । ଶୋରେ ୬ ସିଙ୍ଗିଲ ସେଲିବ୍ରିଟି, ୫ କମନ ଯୋଡି ଏବଂ ୫ କମନର୍ସ ରହିବେ । କୁହାଯାଉଛି ଯେ ଶୋ ୧୬ ସେପ୍ଟେମ୍ବରରୁ ଆରମ୍ବ ହେବ ଏବଂ ୧୨ ଡିସେମ୍ବରରରେ ଶେଷ ହେବ । ଏବା ପରେ ସଲମାନ ଫିଲ୍ମ ‘ଭାରତ’ର ସୁଟିଂରେ ବ୍ୟସ୍ତ ରହିବେ ।