ଏତେ କମ ସମୟରେ ଜନତାଙ୍କ କମ ଭୋଟ ପାଇଁ ନୁହେଁ ବରଂ ଏହି କାରଣରୁ ଘରୁ ବାହାରିଗଲେ ସବୁଠାରୁ ଦାମୀ କଳାକାର ତହସିନ ପୁନାୱାଲା

ବିଗବସ ସିଜନ ୧୩ର ୧୩ ସପ୍ତାହରେ ତିନି ଜଣଙ୍କର ୱାଇଲଡ କାର୍ଡ଼ ଏଂଟ୍ରି ହୋଇଥିଲା । ହିନ୍ଦୁସ୍ତାନୀ ଭାଉ, ତହସିନ ପୁନାୱାଲା ଓ ଖେସରୀଲାଲ । ଏହି ଶନିବାରକୁ ତହସିନ ଘରୁ ବାହାର ହୋଇ ଯାଇଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କାରଣ ହାଇ ପେଡରେ ଯାଇଥିବା ତହସିନ ଗୋଟିଏ ସପ୍ତାହରେ ଘରୁ ବାହାରିଯିବା କଥାକୁ କେହି ହଜମ କରିପାରୁ ନାହାଁନ୍ତି । ବାସ୍ତବରେ ତହସିନ ଘରୁ ବାରିବାର କାରଣ ଜନତାଙ୍କ କମ ଭୋଟ ମିଳିବା ନୁହେଁ, ବରଂ କାରଣ କିଛି ଭିନ୍ନ ।

ଆଜ୍ଞା ହଁ ଏହି କଥାକୁ ଗୋଟିଏ ସପ୍ତାହ ପୂର୍ବରୁ ତହସିନଙ୍କ ପତ୍ନୀ ମୋନିକା ଇଂଷ୍ଟାଗ୍ରାମରେ ଶେୟାର କରିଥିଲେ । ସ୍ପଟବଏର ରିପୋର୍ଟ ଅନୁସାରେ ଶୋ’ର ନିର୍ମାତାଙ୍କୁ ତହସିନଙ୍କ ଫୋନ କଲ ଆସିଥିଲା । ସେ ନିର୍ମାତାଙ୍କୁ ରାଜନୈତିକ ପରିସ୍ଥିତି ଏବଂ ଆଇନ କାନୁନ ଘଟଣା ଚାଲୁଥିବା ଯୋଗୁଁ ବାହାରକୁ ଆସିବାକୁ ପଡ଼ିବ ବୋଲି କହିଥିଲେ । ଯାହାପରେ ତହସିନଙ୍କୁ ଶୋ’ରୁ ବାହାର କରିଦିଆ ଯାଇଛି । ତହସିନ ଜଣେ ପଲିଟିକାଲ ସ୍ପିକର ଏବଂ କଲମିଷ୍ଟ । ଶୋ’ରୁ ବାହାରକୁ ଆସିବା ପରେ ସେ ସୁପ୍ରିମକୋର୍ଟଙ୍କ ନ୍ୟାୟ ଉପରେ ଲେଖିଛନ୍ତି ।

ସୂଚନା ଅନୁସାରେ ତହସିନ ଗୋଟିଏ ସପ୍ତାହ ଅନୁସାରେ ୨୧ ଲକ୍ଷ ଟଙ୍କାରେ ଯାଇଥିଲେ । ଅର୍ଥାତ ୧ ମାସ ପାଇଁ ୮୪ ଲକ୍ଷ ଟଙ୍କା ।