କପିଲଙ୍କ ଫ୍ୟାନ୍ସଙ୍କ ପାଇଁ ଖରାପ ଖବର, ନିର୍ମାତାଙ୍କ ସହିତ ବିବାଦ କାରଣରୁ ବନ୍ଦ ହୋଇପାରେ ଶୋ’

କମେଡି କିଙ୍ଗ କପିଲ ଶର୍ମାଙ୍କ ନୂଆ ଶୋ’ ‘ଫ୍ୟାମିଲି ଟାଇମ ୱଥ କପିଲ ଶର୍ମା’ ୨୫ ମାର୍ଚ୍ଚକୁ ଆରମ୍ଭ ହୋଇଥିବା ବେଳେ ବର୍ତ୍ତମାନ ଶୋ’ ବନ୍ଦ ହେବାର ଖବର ସାମ୍ନାକୁ ଆସିଛି । ଗୋଟିଏ ପଟେ ଦର୍ଶକ ଶୋ’କୁ ନେଇ ଖରାପ ପ୍ରତିକ୍ରିୟା ଦେଉଥିବା ବେଳେ ଅନ୍ୟ ପକ୍ଷରେ ତାଙ୍କର ସହ-କଳାକାର ଶୋ’ ଛାଡିଥିବା ନଜର ଆସିଛନ୍ତି ।

ଦେଖିବାକୁ ଗଲେ ଦର୍ଶକ ଉତ୍ସୁକତାର ସହିତ ଶୋ’କୁ ଅପେକ୍ଷା କରିଥିଲେ କିନ୍ତୁ ଶୋ ଆସିବେ ପରେ ଏହା ଦର୍ଶକଙ୍କୁ ସେତେ ମାତ୍ରାରେ ମନୋରଞ୍ଜନ କରିପାରିନାହିଁ । କପିଲ ତାଙ୍କ ପୁରୁଣା ଅନ୍ଦାଜରେ ଦର୍ଶକଙ୍କୁ ଖୁସି କରିପାରିନାହାଁନ୍ତି । ଏହାକୁ ଦେଖି ଅନୁମାନ କରାଯାଉଛି ଯେ ଏହି ଶୋ’ ଖୁବଶୀର୍ଘ ବନ୍ଦ ହୋଇପାରେ ।

ସୋସିଆଲ ମିଡିଆରେ ଦର୍ଶକ ଶୋ’କୁ ନେଇ ନେଗେଟିଭ ପ୍ରତିକ୍ରିୟା ଦେଉଛନ୍ତି । ଗତ ସପ୍ତାହରେ ରାଣୀ ମୁଖାର୍ଜୀଙ୍କ ସହିତ ସୁଟିଂ କ୍ୟାନସଲ କରିବା ପରେ ଶୋ’ର ନିର୍ମାତାଙ୍କ ସହିତ କପିଲଙ୍କର ବିବାଦ ବଢିବାକୁ ଲାଗିଛି । ଖବର ଅନୁସାରେ ଏହି ବିବାଦ କାରଣରୁ ନିର୍ମାତା ଖୁବ ଶୀର୍ଘ ଶୋ’ ବିଷୟରେ କୌଣସି ନିର୍ଣ୍ଣୟ ନେଇ ପାରନ୍ତି ।