୧୬ ବର୍ଷ ପରେ ବିବାହ ପ୍ରମାଣପତ୍ର ପାଇଁ ପହଁଚିଥିଲେ ବ୍ୟକ୍ତି, କର୍ମଚାରୀ କହିଲେ ପୁଣିଥରେ ବିବାହ କର
କେରଳର ରାଜ୍ୟ ପଞ୍ଜିକରଣ ମନ୍ତ୍ରୀ ଜି ସୁଧାକରଣ କୋଝିକୋଡର ଚାରି ଜଣ କର୍ମଚାରୀଙ୍କୁ ଗୁରୁବାର କାର୍ଯ୍ୟରୁ ନିଲମ୍ବିତ କରିଛନ୍ତି । ପଞ୍ଜିକରଣ ବିଭାଗର ଏହି ଚାରି ଜଣ କର୍ମଚାରୀଙ୍କୁ ନିଲମ୍ବିତ କରିବାର ମୁଖ୍ୟ କାରଣ ହେଉଛି ଏମୋନେ ୧୬ ବର୍ଷ ପରେ ବିବାହ ପ୍ରମାଣପତ୍ର ପାଇଁ ଆସିଥିବା ଜଣେ ବ୍ୟକ୍ତିଙ୍କୁ ଖରାପ ବ୍ୟବହାର ଦେଖାଇବା ସହିତ ତାଙ୍କର ମଜାକ ଉଡାଇଥିଲେ ।
ଖବର ଅନୁସାରେ କୋଝିକୋଡର ବାସିନ୍ଦା ପି ମଧୁସୂଦନନ ବିବାହର ୧୬ ବର୍ଷ ପରେ ବିବାହ ପ୍ରମାଣପତ୍ର ପାଇଁ ମୁକ୍କାମ ବିବାହ ପଂଜିକରଣ ଅଫିସରେ ପହଁଚିଥିଲେ । କିନ୍ତୁ ସେଠାରେ କର୍ମଚାରୀମାନେ ତାଙ୍କୁ ସାର୍ଟିଫିକେଟ ଦେବା ପାଇଁ ମନା କରିଥିଲେ । ଏହା ସହିତ ଥଟ୍ଟା ପରିହାସ କରି କହିଥିଲେ, ‘ଯଦି ଶୀଘ୍ର ସାର୍ଟିଫିକେଟ ଦରକାର ତେବେ ଆଉ ଥରେ ବିବାହ କର ସାର୍ଟିଫିକେଟ ମିଳିଯିବ ।’
କର୍ମଚାରୀଙ୍କ ଏପରି ବ୍ୟବହାର ବିଷୟରେ ମଧୁସୂଦନ ସୋସିଆଲ ମିଡିଆ ଫେସବୁକରେ ସେୟାର କରିଥିଲେ । ପୋଷ୍ଟ ଭାଇରାଲ ହେବା ପରେ ଏହା କେରଳ ରାଜ୍ୟ ପଂଜିକରଣ ମନ୍ତ୍ରୀଙ୍କ ପାଖରେ କଥା ପହଁଚିଥିଲେ । ଏହା ପରେ ମନ୍ତ୍ରୀ ଏହି ଘଟଣାରେ ଜଡିତ ଥିବା ଚାରି ଜଣ କର୍ମଚାରୀଙ୍କୁ କାର୍ଯ୍ୟରୁ ନିଲମ୍ବିତ କରିଥିଲେ ।
କହିରଖୁଛୁ ଯେ ମଧୁସୂଦନ ୨୭ ଫେବୃଆରୀ ୨୦୦୩ରେ ବିଶେଷ ବିବାହ ଅଧିନିୟମ ଅନୁସାରେ ବିବାହ କରିଥିଲେ । ୧୯ ଜୁନରେ ତାଙ୍କୁ ବିବାହ ପ୍ରାମଣପତ୍ରର ଆବଶ୍ୟକତା ଥିଲା ମାତ୍ର ବାରମ୍ବାର ଅନୁରୋଧ କରିବା ପରେ ମଧ୍ୟ କର୍ମଚାରୀ ତାଙ୍କୁ ବିବାହ ପ୍ରମାଣପତ୍ର ଦେଇନଥିଲେ । ପୁରୁଣା ରେକର୍ଡକୁ ଖୋଜିବାକୁ ପଡିବ ବୋଲି କର୍ମଚାରୀମାନେ ଏପରି କରିଥିଲେ । କାର୍ମଚାରୀମାନେ ଚାହିଁଥିଲେ ସେହି ସମୟରେ ହିଁ ତାଙ୍କୁ ପ୍ରମାଣ ପତ୍ର ଦେଇ ପାରିଥାନ୍ତି ମାତ୍ର ସେମାନେ ସେପରି କରିନଥିଲେ ।