ଆଲିଆଙ୍କ ଉପରେ ବର୍ଷିଲେ ପାକିସ୍ତାନୀ ଅଭିନେତ୍ରୀ, ଲଗାଇଲେ ଗୀତ ଚୋରିର ଆରୋପ
ବଲିଉଡ ଅଭିନେତ୍ରୀ ଆଲିଆ ଭଟ୍ଟ ନିକଟରେ ‘ପ୍ରାଡା’ ସଙ୍ଗ ଜରିଆରେ ମ୍ୟୁଜିକ ଭିଡିଓ ଦୁନିଆରେ ପାଦ ଦେଇଛନ୍ତି । ଏହି ଡ୍ୟାନ୍ସ ନମ୍ବରକୁ ଫ୍ୟାନ୍ସଙ୍କ ସହିତ ବଲିଉଡ ସେଲିବ୍ରିଟିମାନେ ମଧ୍ୟ ପସନ୍ଦ କରିଛନ୍ତି । କିନ୍ତୁ ପାକିସ୍ତାନୀ ଅଭିନେତ୍ରୀ ମେହବିଶ ହୟାତ ପ୍ରାଡା ସଙ୍ଗକୁ ନେଇ ଆଲିଆଙ୍କ ଉପରେ ବର୍ଷିଛନ୍ତି । ମେହବିଶ ବଲିଉଡ ଉପରେ ପାକିସ୍ତାନୀ ଗୀତ ଚୋରି କରିବାର ଆରୋପ ଲଗାଇଛନ୍ତି ।
ମେହବିଶ ଦାବି କରିଛନ୍ତି ଯେ, ଆଲିଆଙ୍କ ଏହି ଗୀତ ପାକିସ୍ତାନୀ ଆଲବମ ‘ବାଇଟଲ ସାଇନ’ର ‘ଗୋରେ ରଙ୍ଗ କା ଜମାନା…’ ସହିତ ମିଶୁଛି । ଦୁଇଟି ଗୀତ ମଧ୍ୟରେ ସମାନତା ଥିବା କଥା ପ୍ରଥମେ ଜଣେ ଟ୍ୱିଟର ୟୁଜର କହିଥିଲେ ।
I find this strange. On the one hand Bollywood vilifies Pakistan at every opportunity they get. On the other, they continue to steal our songs without so much as an acknowledgment. “Copyright violation” and “royalty payments” obviously mean nothing.https://t.co/2x48WIGjf3
— Mehwish Hayat TI (@MehwishHayat) August 24, 2019
ଏହା ପରେ ମେହବିଶ ହୟାତ ବଲିଉଡ ଉପରେ ନକଲ କରିବା ଆରୋପ ଲଗାଇ ଟ୍ୱିଟ କରି କହିଥିଲେ- ‘ଏହା ଖୁବ ଆଶ୍ଚର୍ଯ୍ୟ, ଗୋଟିଏ ପଟେ ବଲିଉଡ ପ୍ରତ୍ୟେକ କଥାରେ ପାକିସ୍ତାନକୁ ଗାଳି କରୁଛି, ତିରସ୍କାର କରୁଛି । ଅନ୍ୟ ପକ୍ଷରେ ଲଗାତାର ଆମେ ଗୀତକୁ ଚୋରି କରୁଛି । ଏହା କପି ରାଇଟର ଉଲ୍ଲଙ୍ଘନ ହୋଇଛି ଏବଂ ରୟାଲ୍ଟି ଦେବାରେ ତାଙ୍କୁ କିଛି ଫରକ ପଡୁନାହିଁ ।’
ଏହା ପୂର୍ବରୁ ମଧ୍ୟ ଏହି କପାକିସ୍ତାନୀ ଅଭିନେତ୍ରୀ ଶାହରୁଖ ଖାନଙ୍କ ୱେବ ସିରିଜକୁ ନେଇ ଟ୍ୱିଟ କରିଥିଲେ । କେବଳ ସେତିକି ନୁହେଁ ସେ ଆରୋପ ଲଗାଇଥିଲେ ଯେ ବଲିଉଡ ଏବଂ ହଲିଉଡ ଫିଲ୍ମରେ ପାକିସ୍ତାନର ଛବିକୁ ଖରାପ ଭାବେ ଦର୍ଶା ଯାଉଛି । \n
