ଏବେ ପାକିସ୍ତାନ ମଧ୍ୟ ଜାଣିବ ‘କଟ୍ଟପା ବାହୁବଳୀକୁ କ’ଣ ପାଇଁ ମାରିଲା’
ପୁରା ଦୁନିଆରେ ନିଜର ସ୍ୱତନ୍ତ୍ର ଛାପ ଛାଡିଥିବା ଫିଲ୍ମ ‘ବାହୁବଳୀ’ ଖୁବ ଶୀଘ୍ର ପାକିସ୍ତାନ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହେବ । କରାଚୀରେ ହେବାକୁଥିବା ଏହି ଫିଲ୍ମ ଫେଷ୍ଟିଭାଲରେ ‘ବାହୁବଳୀ’ର ଏକ ଖାସ ସ୍କ୍ରିନିଂ ରଖାଯାଇଛି । ଫିଲକୁ୍ମ ମିଳୁଥିବା ଏହି ସମ୍ମାନରେ ନିର୍ଦ୍ଦେଶକ ରାଜମୈଳୀ ଖୁସି ଥିବା ଜଣାପଡିଛି । ସେ ଟୁଇଟ କରି କହିଛନ୍ତି ଯେ, ‘ବାହୁବଳୀ ମୋତେ ଅନେକ ଦେଶ ବୁଲିବାର ସୁଯୋଗ ଦେଇଛି । ଏହା ସହିତ ସେ କହିଛନ୍ତି ମୋତେ ଡାକିବା ପାଇଁ ଧନ୍ୟବାଦ ପାକିସ୍ତାନ । ଇଣ୍ଟରନ୍ୟାସନାଲ ଫିଲ୍ମ ଫେଟିଭାଲ କରାଚୀ ।’
Baahubali has given me opportunities to travel to a number of countries… The most exciting of them all is now, Pakistan. Thank you Pakistan international film festival, Karachi for the invite.
— rajamouli ss (@ssrajamouli) March 28, 2018
‘ବାହୁବଳୀ’ ଭାରତୀୟ ସିନେମାର ଏପରି ଏକ ଫିଲ୍ମ ଯାହାକୁ ଅନେକ ବର୍ଷ ଧରି ଦର୍ଶକ ମନେରଖିବେ । ଏହି ଫିଲ୍ମରେ ସାଉଥ ସୁପରଷ୍ଟାର ପ୍ରଭାସ ଲିଡ ରୋଲରେ ନଜର ଆସିଥିବା ବେଳେ ରାଣା ଦାଗୁବତି, ଅନୁଷ୍କା ଶେଟ୍ଟୀ, ରମ୍ୟା କୃଷ୍ଣାନ ।ଦି ପ୍ରମୁଖ ଭୂମିକାରେ ନଜର ଆସିଥିଲେ । ଏହାର ଦୁଇଟି ଯାକ ଭାଗ ଦର୍ଶକଙ୍କ ମନ ଜିତିବାରେ ସଫଳ ହୋଇପାରିଥିଲା ।