କେଉଁଦିନ ନଖ ଏବଂ ଚୁଟି କାଟିଲେ ଶୁଭ ଅଶୁଭ ଜାଣନ୍ତି କି ?
ଅଧିକାଂଶ ଲୋକ ଦିନ ବାର ଦେଖି ନିଜ ଚୁଟି କାଟିଥାନ୍ତି । କେହି କେହି ମଙ୍ଗଳବାର, ଗୁରୁବାର ଏବଂ ଶନିବାର ଚୁଟି ଏବଂ ନଖ କାଟିବାରେ ନିଜକୁ ଦୂରେଇ ରଖନ୍ତି । ବିଶେଷ କରି ରବିବାର ସପ୍ତାହର ଛୁଟି ଦିନ ପଡୁଥିବାରୁ ଅନେକ ଏହି ଦିନ ନଖ ଓ ଚୁଟି କାଟିଥାନ୍ତି । ତେବେ କେଉଁ ଦିନ ନଖ ଏବଂ ଚୁଟି କାଟିବା ଦ୍ୱାରା କ’ଣ ଲାଭକ୍ଷତି ହୋଇଥାଏ ଆସନ୍ତୁ ସେ ବିଷୟରେ ଜାଣିବା-
- ସୋମବାର ଦିନଟିକୁ ଚନ୍ଦ୍ର ସହ ତୁଳନା କରାଯାଇଥାଏ । ତେଣୁ ଏହି ଦିନ ଚୁଟି କାଟିବା ଦ୍ୱାରା ଅଶାନ୍ତି ଲାଗିରହିଥାଏ । ମାନସିକ ସ୍ୱାସ୍ଥ୍ୟ ପାଇଁ ଏହି ଦିନ ଅଶୁଭ ହୋଇଥାଏ ।
- ଅଧିକାଂଶ ଲୋକ ମଙ୍ଗଳବାର ଚୁଟି ନଖ କାଟନ୍ତି ନାହିଁ । କାରଣ ଏହି ଦିନ ଚୁଟି କାଟିବା ଦ୍ୱାରା ଆୟୁଷ ହ୍ରାସ ହୋଇଥାଏ ।
- ତେବେ ବୁଧବାର ନଖ ଓ ଚୁଟି କାଟିବା ଫଳରେ ଘରର ସମୃଦ୍ଧି ବଢିଥାଏ । ଏହି ଦିନଟି ସବୁକାର୍ଯ୍ୟ ପାଇଁ ଶୁଭ ହୋଇଥାଏ ।
- ଗୁରୁବାର ହୋଉଛି ଭଗବାନ ବିଷ୍ଣୁଙ୍କର ଦିନ । ଏହି ଦିନ ଚୁଟି କାଟିବା ଦ୍ୱାରା ବିଷ୍ଣୁଙ୍କ ଘରଣୀ ମା ଲକ୍ଷ୍ମୀଙ୍କର କୋପ ଦୃଷ୍ଟି ପଡିଥାଏ । ଏଥିସହ ମାନସମ୍ମାନର ହାନି ହୋଇଥାଏ ।
- ଶୁକ୍ରବାର ଦିନଟିକୁ ସମସ୍ତ ସୁଖ ସୁବିଧାର ଦିନ କୁହାଯାଇଥାଏ । ଏହି ଦିନ ନଖ କିମ୍ବା ଚୁଟି କାଟିବା ଫଳରେ ଅନେକ କିଛି ଲାଭ ହୋଇଥାଏ ।
- ଶନିବାର ଚୁଟି ଏବଂ ନଖ କାଟିବାଠାରୁ ଦୂରେଇ ରୁହନ୍ତୁ । ନଚେତ ଅଳ୍ପ ଆୟୁ ମଧ୍ୟରେ ଜୀବନ ଚାଲିଯିବାର ଆଶଙ୍କା ରହିଛି ।
- ଅଧିକାଂଶ ଲୋକ ସମୟ ଅଭାବରୁ ରବିବାର ଦିନ ଚୁଟି କାଟିଥାନ୍ତି । ରବିବାର ଦିନଟି ସୂର୍ଯ୍ୟଙ୍କ ଦିନ ହୋଇଥାଏ । ଏହି ଦିନ ଚୁଟି କାଟିବା ଦ୍ୱାରା ଧନ ଓ ବୁଦ୍ଧିର ହାନି ଘଟିଥାଏ ।