ଅଧିକାଂଶ ବ୍ୟକ୍ତି ସେଓରୁ ଚୋପା ନ ଛଡ଼ାଇ ଖାଇଥାନ୍ତି । କିନ୍ତୁ ଏମତି କିଛି ବ୍ୟକ୍ତି ଅଛନ୍ତି ଯେଉଁମାନେ ଚୋପା ଛଡ଼ାଇ ଖାଇବାକୁ ପସନ୍ଦ କରନ୍ତି । ତେବେ କ’ଣ ଆପଣ ଜାଣନ୍ତି କି ସେଓରୁ ଚୋପା ଛଡ଼ାଇ ଖାଇବା ଅନୁଚିତ । ଆସନ୍ତୁ ସେହି କାରଣ ବିଷୟରେ ଆଲୋଚନା କରିବା ।
ସେଓ ଚୋପାରେ ରେ ଖୁବ ଗୁରୁତ୍ୱପୂର୍ଣ୍ଣ ଭିଟାମିନ ଏବଂ ମିନେରାଲ୍ସ ରହିଥାଏ ।ହାଡ଼କୁ ମଧ୍ୟ ସୁସ୍ଥ ରଖେ । ସେଓର ଚୋପା ଶରୀର ପାଇଁ ଖୁବ ଉପକାରୀ ।ଯଦି ଆପଣ ଏହାର ଚୋପା ଛଡ଼ାଉଛନ୍ତି ତେବେ ଏହାକୁ ବନ୍ଦ କରିଦିଅନ୍ତୁ ।ତେବେ ଶରୀରରେ ଫାଇବର ଥିବା ଦ୍ୱାରା ଏହାକୁ ଖାଇଲେ ଅଧିକ ସମୟ ପର୍ଯ୍ୟନ୍ତ ଭୋକ ଲାଗିନଥାଏ ।ଏହା ଲିଭରକୁ ସୁସ୍ଥ ରଖିଥାଏ ।କେବଳ ସେତିକି ନୁହେଁ ଏହା ପାଚନ କ୍ରିୟା ଠିକ ରଖେ ଏବଂ ଏହା ମଧୁମେହ ରୋଗୀଙ୍କ ପାଇଁ ଖୁବ ଭଲ ।
ଏହା ଫୁସଫୁସକୁ ମଧ୍ୟ ସୁସ୍ଥ ରଖେ ।ତେବେ ସେଓ ଚୋପାରେ ଫାଇବର ଅଧିକ ଥିବାରୁ ଅଧିକ ସମୟ ପର୍ଯ୍ୟନ୍ତ ଭୋକ ହୋଇନଥାଏ,ଯାହା ଦ୍ୱାରା ବାରମ୍ବାର ଖାଇବାକୁ ଇଛା ହୁଏନାହିଁ । ଏହି କାରଣରୁ ଆପଣ ମୋଟା ହୋଇନଥାନ୍ତି ।ସୁଗାର ସ୍ତରକୁ ମଧ୍ୟ ନିୟନ୍ତ୍ରଣ କରେ ।
ସେଓ ଚୋପାରେ ଭିଟାମିନ ଏ,ସି ଓ କେ ରହିଥାଏ ।ପୋଟାସିୟମ,ଫସଫରସ ଏବଂ କ୍ୟାଲସିୟମ ଭଳି ଗୁରୁତ୍ୱପୂର୍ଣ୍ଣ ମିନେରାଲସ ରହିଥାଏ ।ଏହା ଆପଣଙ୍କ ହୃତପିଣ୍ଡ,ଶିରା ପ୍ରଶିରା,ମସ୍ତିଷ୍କ,ହାଡ଼ ଏବଂ ତ୍ୱଚାକୁ ସୁସ୍ଥ ରଖେ ।ତେବେ ସର୍ବଦା ସେଓ ଖାଇବା ପୂର୍ବରୁ ଏହାକୁ ଭଲ ଭାବରେ ଧୋଇ ଖାଆନ୍ତୁ ,କାରଣ ଏହାର ରଙ୍ଗ ଗାଢା କରିବା ପାଇଁ ଦୋକାନୀ ମାନେ କୃତ୍ରିମ ରଙ୍ଗର ବ୍ୟବହାର କରିଥାନ୍ତି ।