ମୁକ୍ତିଲାଭ କରିଛି ଫନ୍ନେ ଖାନର ନୂଆ ଭିଡିଓ ସଙ୍ଗ ‘ବଦନ୍ ପେ ସିତାରେ’ । ଗୀତରେ ଅନୀଲ୍ କପୁରଙ୍କୁ ଜଣେ ସିଙ୍ଗର୍ ଭାବେ ଦେଖିବାକୁ ମିଳିଛି । ରେଟ୍ରୋ ଲୁକରେ ଅନୀଲ୍ କପୁର୍ ମଂଚ୍ ଉପରେ ଏହି ଗୀତ ପରିବେଷଣ କରିବାରେ ନଜର ଆସିଛନ୍ତି । ଓରିଜିନାଲ୍ ଗୀତରେ ରଫିଙ୍କ ମାଜିକାଲ୍ ଭଏସ୍ ଶୁଣିବାକୁ ମିଳିଥିଲା । ତେବେ ଏହି କ୍ଲାସିକ୍ ଗୀତକୁ ରିକ୍ରିଏଟ୍ କରାଯାଇଛି ଚଳଚ୍ଚିତ୍ର ଫନ୍ନେ ଖାନ୍ ପାଇଁ । ଆଉ ଏହି ନୂଆ ଭର୍ସନରେ ସୋନୁ ନିଗମଙ୍କ ଭଏସ୍ ସ୍ଥାନ ପାଇଛି । ଅନୀଲ କପୁର, ରାଜ କୁମାର ରାଏ ଏବଂ ଐଶ୍ୱର୍ଯ୍ୟା ରାୟଙ୍କ ଏହି ଫିଲ୍ମ ୩ ଅଗଷ୍ଟରେ ରିଲିଜ ହେବ ।
ସବୁଠାରୁ ବଡ କଥା ହେଉଛି ଏହି ଗୀତର ବାସ୍ତବିକ ମ୍ୟୁଜିକ ଏବଂ ଲିରିକ୍ସରେ କୌଣସି ପରିବର୍ତ୍ତନ କରାଯାଇନାହିଁ । ଏହି ରିକ୍ରିଏଟ ଭର୍ସନରେ କେବଳ ଓରିଜିନାଲ ଗାୟକଙ୍କ ସ୍ୱର ଶୁଣିବାକୁ ମିଳି ନାହିଁ । କହିରଖୁଛୁ ଯେ ଏହି ଗୀତକୁ ପ୍ରଖ୍ୟାତ କଣ୍ଠଶିଳ୍ପୀ ମୋହମ୍ମଦ ରଫି ଗାଇଥିଲେ । ଗୀତକୁ ଶମ୍ମୀ କପୁର ଏବଂ ବୈଜନ୍ତିମାଳାଙ୍କୁ ନେଇ ସୁଟ କରାଯାଇଥିଲା । ଏହି ରିକ୍ରିଏଟ ଭର୍ସନରେ ଅନିଲ କପୁର ଶମ୍ମୀ କପୁରଙ୍କ କିଛି ଆଇକନିକ ଡ୍ୟାନ୍ସ ମ୍ୟୁଭସ କରୁଥିବାର ନଜର ଆସିଛନ୍ତି।