କୋଳଥ ଡାଲିର ଉପକାରୀତା ବିଷୟରେ ଜାଣିଲେ ନିୟମିତ ଖାଇବା ପାଇଁ ଚାହିଁବେ
- ପୁଷ୍ଟିସାର, ଲୌହସାର, କାଲ୍ସିଅମ୍ରେ କୋଳଥ ଭରପୂର। ଏଥିରେ ଶ୍ବେତସାର ଓ ଚର୍ବିର ମାତ୍ରା କମ୍। ନିୟମିତ ଖାଇବା ଦ୍ୱାରା ମେଦ ବହୁଳତା ଏବ˚ ଓଜନ ହ୍ରାସ ପାଏ।
- ଋତୁକାଳୀନ ସମସ୍ୟା ଭୋଗୁଥିବା ମହିଳାମାନେ କୋଳଥ ଡାଲି ଖାଇବା ଉଚିତ। ଏହା ଦ୍ୱାରା ଅତ୍ୟଧିକ ରକ୍ତସ୍ରାବ କମେ। ହିମୋଗ୍ଲୋବିନ୍ ମାତ୍ରା ବଢେ଼। ରକ୍ତହୀନତାରେ ପଡ଼ିବା ଆଶଙ୍କା ରହେ ନାହିଁ।
- ଏହାର ତନ୍ତୁଜାତୀୟ ଉପାଦାନ ରକ୍ତଚାପ ଓ ରକ୍ତ ଶର୍କରା କମାଏ।
- ନିୟମିତ କୋଳଥ ଡାଲି ଖାଇବା ଦ୍ୱାରା ପେଟ ରୋଗ ସମସ୍ୟା ଦୂର ହୁଏ। ବୃକ୍କରେ ଛୋଟ ପଥର ସମସ୍ୟା ଥିଲେ ପ୍ରତି ଦିନ ସକାଳେ କୋଳଥ ବତୁରା ପାଣି ପିଅନ୍ତୁ।
- ନିୟମିତ କୋଳଥ ଡାଲି ଖାଇଲେ ଯକୃତ୍ ଦୁର୍ବଳ ହୁଏ ନାହିଁ।
- ଶ୍ୱାସ ଓ କଫ ରୋଗୀଙ୍କ ପାଇଁ ଏହା ଲାଭଦାୟକ। ଏକ ଲିଟର୍ ପାଣିରେ ଶହେ ଗ୍ରାମ୍ କୋଳଥ ପକାଇ ଫୁଟାନ୍ତୁ। ସାମାନ୍ୟ ଉଷୁମ ଥିବା ଅବସ୍ଥାରେ ଅଳ୍ପ ସୈନ୍ଧବ ଲବଣ ପକାଇ ପିଅନ୍ତୁ।
- କୋଳଥ ରକ୍ତକୁ ଶୁଦ୍ଧ କରାଏ। ଏହା ଶୁକ୍ରବର୍ଦ୍ଧକ।
- ଗର୍ଭବତୀ ମହିଳା ଓ ଅମ୍ଳ ରୋଗୀ କୋଳଥ ଖାଇବା ଅନୁଚିତ।
