ଆଇନା ଦେଖି ସଜ ହେଉଥିବାର ନଜର ଆସିଲେ ସାଂସଦ ନୁସରତ ଜହାଁ
ଲୋକସଭା ନିର୍ବାଚନ ୨୦୧୯ ପରେ ଯେଉଁ ସାଂସଦଙ୍କ ନାମ ସବୁଠାରୁ ଅଧିକ ଚର୍ଚ୍ଚାରେ ରହି ଆସିଛି ସେ ହେଉଛନ୍ତି ସାଂସଦ ନୁସରତ ଜହାଁ । ନୁସରତ ବଙ୍ଗାଳୀ ଫିଲ୍ମର ପ୍ରସିଦ୍ଧ ଅଭିନେତ୍ରୀ । ଏହି ଥର ମମତା ବାନାର୍ଜୀ ନୁସରତଙ୍କୁ ବଶିରାହାଟରୁ ଲୋକସଭା ପାଇଁ ଛିଡ଼ା କରାଇଥିଲେ । ଯାହାପରେ ନିରାଶ ହୋଇନଥିଲେ ନୁସରତ । ୩ ଲକ୍ଷ ଅଧିକ ଭୋଟରେ ଜିତି ସଂସଦରେ ପହଂଚିଗଲେ ଏହି ବଙ୍ଗୀୟ ସୁନ୍ଦରୀ । କହିରଖୁଛୁ ସାଂସଦ ହେବାପରେ ନୁସରତ ସୋସିଆଲ ମିଡିଆରେ ଚର୍ଚ୍ଚାର ଏକ ବିଷୟ ସାଜିଛନ୍ତି । ପ୍ରତିଦିନ ତାଙ୍କ ପରିଧାନ ଶୈଳୀକୁ ନେଇ କିଛି ନା କିଛି ଚର୍ଚ୍ଚା ହେଉଛି । ନିକଟ ଅତୀତରେ ସିନ୍ଦୁର ଏବଂ ମଙ୍ଗଳସୂତ୍ର ପିନ୍ଧିବାକୁ ନେଇ ଖୁବ ଚର୍ଚ୍ଚା ଚାଲିଥିଲା । ତେବେ କାହାରି କଥାକୁ ଖାତିର ନ କରି ସେ ସିନ୍ଦୁର ଏବଂ ଚୁଡ଼ି ପିନ୍ଧୁଛନ୍ତି । ତେବେ ଏଭଳି ଗେଟଅପରେ ନୁସରତ କୌଣସି ପରିଠାରୁ କମ ଲାଗୁନାହାଁନ୍ତି ।
ଏବେ ପୁଣିଥରେ ମିଡିଆର ଧ୍ୟାନ ଆକର୍ଷଣ କରିଛନ୍ତି ମମତାଙ୍କ ଏହି ସାଂସଦ । ନୁସରତ ଏକ ଫଟୋ ଶେୟାର କରିଛନ୍ତି ଯେଉଁଥିରେ ସେ ଆଇନା ସାମ୍ନାରେ ବସି ସଜ ହେଉଥିବାର ନଜର ଆସିଛନ୍ତି । ଖବର ପାଇଁ କହିରଖୁଛୁ ନୁସରତ ୧୯ ଜୁନକୁ ପ୍ରସିଦ୍ଧ ବିଜନେସମ୍ୟାନ ନିଖିଲ ଜୈନଙ୍କୁ ବିବାହ କରିଛନ୍ତି । ବିବାହ ତୁର୍କୀରେ ସମାପନ ହେଲା । କପଲଙ୍କ ଫଟୋ ସୋସିଆଲ ସାଇଟରେ ଖୁବ ଭାଇରାଲ ହେଉଛି ।