ନିଜକୁ ନିଜେ ବିବାହ କଲେ ଅକ୍ସଫୋର୍ଡ ଛାତ୍ରୀ !

ଝିଅର ବୟସ ବଢିବା ପରେ ପରିବାର ଠାରୁ ଆରମ୍ଭ କରି ବନ୍ଧୁ ପରିଜନଙ୍କ ମୁହଁରେ ସବୁବେଳେ ଗୋଟିଏ କଥା ଝିଅ ବାହା ହେବ କେବେ? ଏଭଳି ପରିସ୍ଥିତିର ମଧ୍ୟ ସମ୍ମୁଖୀନ ହୋଇଥିଲେ ଲଣ୍ଡନରେ ରହୁଥିବା ଅକ୍ସଫୋର୍ଡ ଛାତ୍ରୀ ୩୨ବର୍ଷିୟା ଲୁଲୁ ଜେମିମା । ତେଣୁ ସେ ସମସ୍ତଙ୍କ କଥାକୁ ସମ୍ମାନ ଜଣାଇ ବିବାହ କରିବାର ନେଇଥିଲେ ନିଷ୍ପତି । ବିବାହର ସବୁ ଆୟୋଜନ ନିଜେ କରିଥିଲେ ଜେମିମା । ବାହାଘର ମଣ୍ଡପ ଠାରୁ ଭୋଜିଭାତ, ପୋଷାକର ମଧ୍ୟ ବନ୍ଦୋବସ୍ତ ହୋଇଥିଲା । ହେଲେ ବିବାହରେ ଏପରି କିଛି ହୋଇଥିଲା ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇିଛି ।

ଖବର ଅନୁସାରେ ଜେମିମା ବିବାହ ମଣ୍ଡପକୁ ବିବାହ ଗାଉନ ପିନ୍ଧି ପହଞ୍ଚିଥିଲେ । ହେଲେ ଏହା ପରେ ଜେମିମା ଯେଉଁ ଘୋଷଣା କରିଥିଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲା । ଜେମିମା ନିଜକୁ ନିଜେ ବିବାହ କରିବାର ନିର୍ଣ୍ଣୟ ନେଇଥିଲେ । ଏହାପରେ ବାଇକ ରେ ବସି ବିଦା ହୋଇଥିଲେ ସେ । ଜେମିମାଙ୍କ କହିବା ଅନୁସାରେ ପାଠ ପଢା ହେଉଛି ମୋର ମୂଳଲକ୍ଷ୍ୟ । ଯଦିଓ ପରିବାର ଲୋକଙ୍କୁ ମୁଁ ନିରାଶ କରିଛି ତେବେ ଏହି ନିଷ୍ପତି ନେଇ ମୁଁ ଆଦୌ ଭୁଲ କରିନାହିଁ ।