‘ସଂଜୁ’ର ଆଉ ଏକ ପୋଷ୍ଟର ରିଲିଜ, ଦେଖିବାକୁ ମିଳିଲା ବାପା-ପୁଅଙ୍କ ବଣ୍ଡିଂ
ବଲିଉଡ ଅଭିନେତା ରଣବୀର କପୁର ଖୁବ ଶୀଘ୍ର ଫିଲ୍ମ ‘ସଂଞ୍ଜୁ’ରେ ନଜର ଆସିବେ । ଫିଲ୍ମର ଟ୍ରିଜରକୁ ଗତ ମାସରେ ରିଲିଜ କରାଯାଇଥିଲା । ଟ୍ରିଜରରେ ରଣବୀର କପୁରଙ୍କ ଲୁକ ସବୁଠାରୁ ଅଧିକ ଚର୍ଚ୍ଚାରେ ରହିଛି । ସଂଜୟଙ୍କ ଲୁକରେ ରଣବୀର କପୁରଙ୍କୁ ଲୋକେ ଖୁବ ପସନ୍ଦ କରିଛନ୍ତି । ଏହା ପରେ ଗୋଟିଏ ପରେ ଗୋଟିଏ ପୋଷ୍ଟର ଲଂଚ କରାଯାଉଛି । ୨୫ ମଇରେ ସୋନମ କପୁରଙ୍କ ଲୁକକୁ ସେୟାର କରାଯାଇଥିବା ବେଳେ ଏବେ ଫିଲ୍ମରେ ପରେଶ ରାୱଲଙ୍କ ଲୁକକୁ ସେୟାର କରାଯାଇଛି ।
#sanju is a father-son story. Meet the father today – Paresh Rawal. Had fun working with him. #RanbirKapoor @VVCFilms @foxstarhindi @SirPareshRawal pic.twitter.com/GXWYaNBvm3
— Rajkumar Hirani (@RajkumarHirani) May 26, 2018
ଫିଲ୍ମରେ ପରେଶ ରାୱଲ ସଂଜୟ ଦତ୍ତଙ୍କ ପିତା ସୁନୀଲ ଦତ୍ତଙ୍କ ଭୂମିକାରେ ନଜର ଆସିବେ । ଜାରି କରାଯାଇଥିବା ଏହି ପୋଷ୍ଟରରେ ରଣବୀର କପୁର ଖୁବ ଡରିଯାଇଥିବା ଦେଖିବାକୁ ମିଳିଛି ଏବଂ ପରେଶ ତାଙ୍କୁ ଆଲିଙ୍ଗନ କରିଛନ୍ତି । ଏହି ପୋଷ୍ଟରେ ବାପା ପୁଅଙ୍କ ବଣ୍ଡିଂ ଏବଂ ସୁନୀଲ କିପରି ସଂଜୟଙ୍କ ଖରାପ ସମୟରେ ତାଙ୍କୁ ସମ୍ଭାଳୁଥିଲେ ତାହା ମଧ୍ୟ ଦେଖିବାକୁ ମିଳିଛି ।
ଫିଲ୍ମରେ ରଣବୀର କପୁରଙ୍କ ବ୍ୟତିତ ପରେଶ ରାୱଲ, ଦିବ୍ୟା ଦତ୍ତା, ସୋନମ କପୁର, ଅନୁଷ୍କା ଶର୍ମା ଏବଂ କରିଶ୍ମା ତନ୍ନା ପରି କଳାକାର ନଜର ଆସିବେ । ରାଜକୁମାର ହିରାନୀଙ୍କ ନିର୍ଦ୍ଦେଶିତ ଏହି ଫିଲ୍ମର ଟ୍ରେଲର ୩୦ ମଇକୁ ରିଲିଜ ହେବ ଏବଂ ଏହି ଫିଲ୍ମ ୨୯ ଜୁନରେ ରିଲିଜ ହେବ ।
