ଶବ ସତ୍କାର ସମୟରେ ଉଠିଲା ମୃତ ବ୍ୟକ୍ତି, ହୃଦଘାତରେ ଟଳି ପଡିଲେ ଇମାମ
ସାଉଦୀ ଆରବର ମାରୋକେଚ୍ ସହରର ଏକ ଡାକ୍ତରଖାନାରେ ଶୁକ୍ରବାର ଜଣେ ବ୍ୟକ୍ତି ଭର୍ତ୍ତି ହୋଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷିତ କରିଥିଲେ । ତେବେ ଏହି ବ୍ୟକ୍ତି ଜୀବିତ ଥିଲେ । ତାଙ୍କ ନିଶ୍ୱାସ ପ୍ରଶ୍ୱାସର ବେଗ ଏତେ ଧିମା ଥିଲା ଯେ, ଡାକ୍ତରଙ୍କୁ ଲାଗିଥିଲା ସେ ମରିଯାଇଛନ୍ତି । ଏପରିକି ଡାକ୍ତର ମଧ୍ୟ ମୃତ ପ୍ରମାଣପତ୍ର ଜାରି କରିଥିଲେ ।
ପରିବାର ଲୋକେ ଏହି ବ୍ୟକ୍ତିଙ୍କୁ ନିଜ ଘରକୁ ଆଣି ଅନ୍ତିମ ସତ୍କାର ପାଇଁ ପ୍ରସ୍ତୁତି ଆରମ୍ଭ କରିଥିଲେ । ମସଜିଦରୁ ଆସିଥିଲେ ଇମାମ । ଇମାମ ଜଣଙ୍କ ଶବ ନିକଟରେ ନମାଜ ପଢିବା ଆରମ୍ଭ କରିଥିଲେ । ଏହି ସମୟରେ ମୃତ ବ୍ୟକ୍ତି ଜଣଙ୍କ ହଠାତ୍ ଉଠିଥିଲେ । ଏହା ଦେଖି ଇମାମ ଏତେ ଡରିଯାଇଥିଲେ ଯେ, ସେ ହୃଦଘାତର ଶୀକାର ହୋଇଥିଲେ । ତୁରନ୍ତ ତାଙ୍କୁ ଆମ୍ବୁଲାନ୍ସରେ ଡାକ୍ତରଖାନା ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷିତ କରିଥିଲେ । ଯେଉଁ ଲୋକମାନେ ଉକ୍ତ ବ୍ୟକ୍ତିଙ୍କ ସଂସ୍କାର ପାଇଁ ଯୋଜନା କରୁଥିଲେ ପରେ ସେମାନେ ଏହି ଇମାମଙ୍କ ସଂସ୍କାର କାର୍ଯ୍ୟରେ ଲାଗିପଡିଥିଲେ ।