‘ମ୍ୟାନ ଭର୍ସେସ ୱାଇଲ୍ଡ’ରେ ବେୟର କିପରି ବୁଝୁଥିଲେ ମୋଦୀଙ୍କ ଭାଷା, ପ୍ରଧାନମନ୍ତ୍ରୀ ଖୋଲିଲେ ରହସ୍ୟ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଗଷ୍ଟ ୧୨ରେ ଡିସ୍କଭରୀ ଚ୍ୟାନେଲର ଲୋକପ୍ରିୟ ଶୋ ‘ମ୍ୟାନ ଭର୍ସେସ ୱାଇଲ୍ଡ’ର ଏକ ସ୍ପେଶାଲ ଏପିସୋଡରେ ନଜର ଆସିଥିଲେ । ଶୋ’ର ହୋଷ୍ଟ ବେୟର ଗିଲ୍ସଙ୍କ ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂରା ଏପିସୋଡରେ ନଜର ଆସିଥିଲେ । ଶୋ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବେୟର ନିଜ ନିଜ ଅନୁଭବକୁ ସେୟାର କରିଥିଲେ । ଶୋ’ ଟେଲିକାଷ୍ଟ ହେବା ପରେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଉଙ୍କି ମାରିଥିଲା ଯେ ପୂରା ଏପିସୋଡରେ ପ୍ରଧାନମନ୍ତ୍ରୀ ମୋଦୀ ହିନ୍ଦୀରେ କଥା ହୋଇଥିବା ବେଳେ ହିନ୍ଦୀ ବୁଝିପାରୁନଥିବା ବେୟର ତାଙ୍କ କଥା କିପରି ବୁଝୁଥିଲେ ?
ଏହି ପ୍ରଶ୍ନର ଉତ୍ତର ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୋଦ ନିଜେ ଦେଇଛନ୍ତି । ସେ କହିଛନ୍ତି ଯେ, ବହୁତ ଲୋକେ ଜାଣିବା ପାଇଁ ଚାହାଁନ୍ତି ବେୟର ଗିଲ୍ସ ହିନ୍ଦୀ କିପରି ବୁଝୁଥିଲେ । ଲୋକେ ପଚାରୁଛନ୍ତି ଏହା ଏଡିଟ କରାଯାଇଛି କି ? ନା ଶୋ’ ଅନେକ ଥର ସୁଟ କରାଯାଇଛି । ମୋଦୀ ଆଗକୁ କହିଛନ୍ତି, ମୋର ଏବଂ ବେୟରଙ୍କ ମଧ୍ୟରେ ଟେକ୍ନୋଲୋଜି ମୁଖ୍ୟ ଭୂମିକା ଗ୍ରହଣ କରିଥିଲା । ଏକ କର୍ଡଲେସ ଡିଭାଇସ ବେୟରଙ୍କ କାନରେ ଲଗାଯାଇଥିଲା । ଏହି ଡିଭାଇସ ଖୁବ ଶୀଘ୍ର ହିନ୍ଦୀକୁ ଇଂଗ୍ରାଜୀରେ ଟ୍ରାନ୍ସଲେଟ କରିଦେଉଥିଲା ।
PM Modi: A lot of people wanted to know how Bear Grylls understood my Hindi. People asked whether it was edited or shot multiple times. Technology acted as bridge between me & him. A cordless device attached to his ear translated Hindi into English simultaneously. pic.twitter.com/yE0iSwQOUW
— ANI (@ANI) August 25, 2019
କହିରଖୁଛୁ ଯେ, ୧୨ ଅଗଷ୍ଟରେ ପ୍ରସାରିତ ହୋଇଥିବା ଏହି ଏପିସୋଡ କେବଳ ଭାରତ ନୁହେଁ ବିଦେଶରେ ମଧ୍ୟ ପ୍ରସାରିତ ହୋଇଥିଲା । ଏହା ଦୁନିଆର ସବୁଠାରୁ ଅଧିକ ଦେଖାଯାଇଥିବା ଶୋ’ ପାଲଟିଛି । ଏହି ବିଷୟରେ ବେୟର ଇଂଷ୍ଟାଗ୍ରାମରେ ସୂଚନା ଦେଇ କହିଥିଲେ ପିଏମ ମୋଦୀଙ୍କ ସହିତ ମ୍ୟାନ ଭର୍ସେସ ୱାଇଲ୍ଡର ଏହି ଏପିସୋଡ ଅଫିସିଆଲ ଭାବେ ଦୁନିଆର ସବୁଠାରୁ ଟ୍ରେଡିଂ ଟିଭି ଇଭେଣ୍ଟ ଥିଲା । ୩.୬ ବିଲିଅନ ଭ୍ୟୁଜ । ଏହା ସୁପର ବାର୍ଲଙ୍କ ଇଭେଣ୍ଟକୁ ମଧ୍ୟେ ପଛରେ ପକାଇ ଦେଇଛି । ସମସ୍ତଙ୍କୁ ଧନ୍ୟବାଦ ଯେଉଁମାନେ ଏହାକୁ ଦେଖିଛନ୍ତି ।