କାରରେ ସ୍ଥାନ ନଥିବାରୁ ପ୍ରସବ ପାଇଁ ସାଇକେଲରେ ଗଲେ ନ୍ୟୁଜିଲ୍ୟାଣ୍ଡ ମନ୍ତ୍ରୀ ।

ପିଲାକୁ ଜନ୍ମ ଦେବା ପାଇଁ ସାଇକେଲ୍ ଧରି ମନ୍ତ୍ରୀ ପହଞ୍ଚିଲେ ହସ୍ପିଟାଲରେ । ଆଜ୍ଞା ହଁ ଘଟଣାଟି ଆପଣକୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ । ନ୍ୟୁଜିଲ୍ୟାଣ୍ଡର ମନ୍ତ୍ରୀ ଜୁଲି ଏନେ ଜେଂଟର ନିଜର ପ୍ରଥମ ସନ୍ତାନକୁ ଜନ୍ମ ଦେବା ପାଇଁ ସାଇକେଲ ଚଲାଇ ହସ୍ପିଟାଲ ପହଞ୍ଚିଛନ୍ତି । ଗ୍ରୀନ ପାର୍ଟି ର ସାଂସଦ ଜେଂଟର ଜଣେ ସାଇକ୍ଲିଷ୍ଟ ଅଟନ୍ତି । ପ୍ରସବ ପାଇଁ ସେ ତାଙ୍କ ଘରଠୁ ପାଖାପାଖି ୧ କିମି ଦୁରରେ ଅବସ୍ଥିତ ହସ୍ପିଟାଲକୁ ସାଇକେଲ ଚଲାଇ ଯାଇ ପହଞ୍ଚିଛନ୍ତି ।

ସୋସିଆଲ ମିଡିଆରେ ସେ ଏହି ଫଟୋକୁ ଶେୟାର କରିବା ବେଳେ କ୍ୟାପ୍ସନରେ ଲେଖିଛନ୍ତ ଯେ, ‘ମୁଁ ଓ ମୋ ଜୀବନ ସାଥି ସାଇକେଲରେ ଯିବା ପାଇଁ ନିଷ୍ପତ୍ତି ନେଇଥିଲୁ କାରଣ ଅନ୍ୟ ସହଯୋଗୀଙ୍କ ପାଇଁ କାର୍ରେ ପର୍ଯ୍ୟାପ୍ତ ସ୍ଥାନ ନ ଥିବାରୁ ସେ ଦୁହେଁ କାର୍ରେ ଯିବା ପାଇଁ ନିଷ୍ପତି ନେଇଥିଲେ । ଏହା ଦ୍ୱାରା ମୋ ମୁଡ ବି ଠିକ୍ ରହିଥିଲା’ । ସେ ବର୍ତ୍ତମାନ ୪୨ ସପ୍ତାହର ଗର୍ଭବତୀ ଅଛନ୍ତି । ତାଙ୍କ ପାର୍ଟିର ଏକ ସହଯୋଗୀଙ୍କ କହିବା ମୁତାବିକ ବର୍ତ୍ତମାନ ସୁଦ୍ଧା ସେ ପିଲାକୁ ଜନ୍ମ ଦେଇନାହାନ୍ତ